جود الزمان وشح منتوج الافكار

[صنت البدراني]

[poem=font=",6,black,bold,normal" bkcolor="burlywood" bkimage="" border="double,6," type=2 line=0 align=center use=sp num="0,black""]
جود الزمان وشح منتوج الافكار = ساعد نظام العولمه للتعري
وضعف الشيوخ اللي عليها الفلك دار = نشط دعاة العلمنه بالتجري
حرم حلال وجاز تحليل الاضرار = علمن يهول ونفعته ماتسري
والغيره اللي كنها شعلة النار = رمد حطبها من يدين المذري
حتى الهنوف اللي نبى صوتها عار = يسلب حياها نور نجمٍ مسري
مات الشجيع اللي على قب الامهار = خلى الدويني في زمانه مضري
واللي عليهم يثبت الموقف الحار = راحوا ضحايا مهتوين التحري
حق الخوي والضيف والعود والجار = حطوا لها مخرج طواري وسري
كل السلوم اللي لها عندنا كار = غيب عليها وقتنا بالتزري
حتى الضرير اللي فقد شوف الابصار = معاد وده بالنظر يستقري
بيت الشرف والعز يناس منهار = خيم عليه القصف جوي وبري
حطم زوايا البيت والناس الا خيار = واللي بقى منزوع منه التمري
حب وغرام وعشقةٍ كلها اسرار = علاقةٍ فيها النسب مايمري
ماهي على شرع الله النافع الضار = فيها من علوم الدنس والتهري
وقت يخلي صاحي الفكر محتار = بين الحياه وبين موت التبري
جعل الزمان اللي قطع صوت الاحرار = يقطع حياة اهل الردى والتعري[/poem]

 

[سالم محسن الفهمي]

صح لسانك ياصنت وانا اشهد انك جبتها على الجرح ياخوك ​

 

[عز الرفيق]

يا سلام عليكـ يا صنت

مبدع مبدع

لله دركـ

قصيدة قمة و اتقان راقي

و لو لي ملاحظة .. بودي لو تجنب الزمن و سبه

لأن على ما أعتقد فيه مخالفه دينيه ...

.
.

أطيب التحايا يا مبدع


​

 

[عماد الهذلي]

صنت البدارني

صح لسانك ولاهنت

تتبع للحال وصياغه موفقه


لاهنت جزل كعادتك


ننتظر جديدك


تحية طيبة

 

[صنت البدراني]

سالم الفهمي0 عز الرفيق0 عماد الهذلي 0 صحة ابدانكم تشريفكم للقصيده شرف لي 0 والاخ عز الرفيق منكم نستفيد وملاحظتك على العين والراس وبيض وجيهكم جميع

 

[عقيلي من هذيل]

اخوي صـنـت
قصيده رائعه بالفعل
اختبار موفق لموضوع القصيده
جميله بمعانيها ومفرداتها
يعطيك عـ1000ــــافيه

تقبل مروري​

 

[بن قاسي الهذلي]

ياسلام ياسلام ياصنت

سجلني من متابعيك

صح لسانك والله

 

[أبو رديد]

صح لسانك يا صنت

شاعر كبير وقصيدة جزلة

أصلح الله الحال

ولازال فالدنيا خير والفال الطيب مطلوب



مع الشكر