بن عتقان وراشد السحيمي

[رشيد السعيدي]

هذه المحاورة التي جرت بين العملاقين بن عتقان وراشد السحيمي
...............​

عبدالله بن عتقان​

ضيفنا الليله شعر وأخلاق وأسلـوب ومكانـه
رحبوا معنا بشاعر حرب فـي نبـع المعانـي
يالسحيمـي صحبتـي ويـاك مافيهـا ميانـه
كيف تصعد منبر المسجد وتخطب عن لساني ؟ ​

راشد السحيمي​

الحقيقـه ماتغيـر والمجالـس بالامـانـه
بارك لله فيك واشكر من دعاك ومن دعاني
الدميحي والله انـي ماتكلـم عـن لسانـه
وان زعل مني بدون اسباب هذا شي ثاني ​

عبدالله بن عتقان​

عزتي للي تواجد في زمن ماهو زمانـه
الشهر ساعات والأيام بحسابـه ثوانـي
تدري أنك يالسحيمي فيك نوع من اللعانه
من كثر حسدك تقومني وتجلس في مكاني ​

راشد السحيمي​

مايزعلك الزمان اللـي تزعلـك الخيانـه
مار لا تامن يجيك الخوف من بطن الاماني
روح المشعاب ماباقي لـك الا الخيزرانـه
اشهد انه ظلم والسر يخفاكـم ويخفانـي ​

عبدالله بن عتقان​

واهوان اللي يدور لي مذلـه واهوانـه
هيبتي هيبة ملك ومن الخنوع الله حماني
فعل يمنايه جعل لي بين عدواني حصانه
يهرجون يخططون ولاحدٍ زعزع كيانـي ​

راشد السحيمي​

ياولد عتقان مايمكـن تـدان بـدون ادانـه
من غرورك تحسب ان الله عطاك ولا عطاني
من نووه الناس مهما كـان هزولـه كيانـه
احمد الله لوّ يصفيلك مـن العشـر الثمانـي ​

عبدالله بن عتقان​

بس ياراشد شبعنـا لا تعيـد الأسطوانـه
السماء شال القمر والجدي وسهيل اليماني
من زمانك ما تخاف ألا قليليـن الديانـه
لا لهم ميثاق عهد ولا لصحبتهم ضمانـي ​

راشد السحيمي​

واحدٍ ماهو بسامع للكلام يصم اذانـه
والنتيجه ماتبان الا نهـار الامتحانـي
يعلم الله مايجيك الشر غير من البطانه
مانحدد بالاسامـي لافـلان ولافلانـي ​