فسيولوجيه

[خالد الحجي]

جائت هكذا
ارجو تقبلها
مني الشعر
ومنكم العذر ,,,,,,,,,,,,,




المهره اللي مالها سرج وإلجام ...
يردها (النادر) و (تركي) اُخيه ...


قرمٍ يرد الطرش والثاني إحزام ...
حزام ظهري والليالي مديه ...


والبندق اللي ثورت من قبل عام ...
العام روٌح والنوايا مطيه ...

سلام ياللي ديرتك قبلة الشام...
سلام من نجد ابثراها عذيه ...


يولد بها ضرغام وان مات ضرغام...
تبقا على مر الزمان . (الأبيه) ...


سلام يوصل لك من اشواق واسقام ...
تجتاحني من دون ذنب وخطيه ...


سلام من روح ٍ تبادلك الاحلام ...
ماتت على لقياك وبشوق حيه ...



ولك عاشقٍٍ ما أثرت فيه الايام ...
لا والله إلا صار حبك قضيه ...


ولك عاشقٍٍِ بالحيل بالحيل بك هام ...
ما هزته سود الليال العتيه ...


ولك وقفة المنظام من شيل منظام ...
ولك مشيةٍ ماهيب رجلٍ سويه ...


ولك عين مرسومه ومن دون رسام ...
فيها كحل من صنع رب البريه ...


ولك صورةٍ بالقلب ماهيب ف(الكام)...
مطبوعة ٍ بالروح.. ( فسيولجيه ) ....


ماهيب منسوخه ب(بدسكٍ) ولا (رام)...
ومكتوبةٍ بالغش .! (كذبه غبيه) ...


محفورة ٍ باظلاع صياد الاريام ...
اللي عليها تاقف البندقيه ...


وسلامتكم ,,,,,,,,,,,,,,


خالد الحجي (خالدها)

 

[حامد السالمي]

صح لسانك يا ولد العم الله يعطيك العافية وكل عام وأنتم بخير

 

[عمر العميري]

صح لسانك ياخالد

ابيات رائعه ومن تركيب الابيات واضح بأنك لا تريد الايضاح اكثر عن المرابط المذكوره

اطيب التحايا

 

[رايد الياسي]

صح لسانك خالدها

وبيض الله وجهك

لكن فيه بيت عيا يجي معي

ولك صورةٍ بالقلب ماهيب ف(الكام)...
مطبوعة ٍ بالروح.. ( فسيولجيه ) ....

اخوي خالدها شاعر لا يختلف عليك اثنين بس امكن خطاء في الطباعه او دلاخه زايده فيني

وهذا لا ينقص من جمال القصيده الشامخه

تقبل مروري ياذيب

اخووووك قرناس

 

[ابوجنوب]

صح السانك واعتلا شانك يا بن العم ... إن شاء الله يقومون با الواجب اللي استفزعت بهم واكيد انهم كفوا ولا كان ما استفزعت بهم . ويرتاح بالك.

قصيدة رآقت لي جدااا مبنى ومعنى ولا شلت يمينك يا الغالي

وتقبا إحترامي وتقديري

 

[خالد الياسي]

وعليكم السلام ورحمة الله وبركاته

صح لسانك يا سمي وبيض الله وجهك

وكل عام وانت بصحة وعافيه

وكل عام وأنت إلى الله أقرب..

 

[عقيلي من هذيل]

كل عام وانت بخير يا خالد

صح لسانك يا خالدها وعلا شانك

قصيده رااااائعه من روائعك لاعدمناها

اعجبتني


تقبل مر و ر ر ي

​

 

[بن قاسي الهذلي]

صح لسانك ياخالدها

جميله والله

 

[السيف الرهيف]

صح لسانك والله يعطيك العافية

 

[خالد الحجي]

صح لسانك يا ولد العم الله يعطيك العافية وكل عام وأنتم بخير

صح بدنك ياوافي
الله يعافيك
كل عام وقلبك بخير
اعجز عن شكرك واعتز بتواجدك

 

[عز الرفيق]

الله الله يا خالد

مبدع و أكثر ... .

عز الله استمتعت صح فكرك يا مبدع

سجل اعجابي

​