اللحياني الهذلي
:: عضو جديد ::
- إنضم
- 8 يناير 2007
- المشاركات
- 855
عبيدالله
هلا مرحبا ترحيب عند المعازيب عدد ماتلوح بروقها في سماها
يقولون طبع الذيب ما ياكل الذيب وكل يميز وجهها من قفاها
مستور
يدوم البقا يا هذيل كسابة الطيب هذا الأولة والثانية من وراها
ولا يا عبيدالله صفى النا المشاريب ترى اللي كتبها يا الهذيلي قراها
عبيدالله
هذا الحظ والإنسان ما يعلم الغيب ليا كتبت الطرقة لشخص مشاها
ألا يالصقور اللي حداد المخاليب ليا شحت الأرزاق جابت عشاها
مستور
عليكم مطاليب وعلينا مطاليب ومن مد نص الكف ياخذ ملاها
ليا نوخت الحمولة أشم خنيب على الدرب يا رجال تثبت خطاها
عبيدالله
تعبنا تعبنا خلف عوج العراقيب عساها ترد اللي خسرنا عساها
أنا محتزي من دون شك ولاريب ودار الكرامة عزها من حصاها
مستور
أنا حاسبنك من خيار الاصاحيب وكبدي تبا تظمى وتقطع ظماها
لابد الطبيب يداوي الجرح ويطيب ليا بانت العلة عرفنا دواها
عبيدالله
معزبك يالنشمي يثني التراحيب ولكن نفسك فيه طاري طراها
قرينا على وجه الظروف المكاتيب ولكن يدين القوم تحمى لحاها
مستور
ونا ما طرالي عيب ولا عذاريب ولاني بحاسب سرعها من بطاها
ليا راحت الأيام شيب شلاهيب زبنت الرجال اللي يذري ذراها
عبيدالله
ولك في زمان العرف درس وتجاريب وشبل غانم خلها في خباها
ضربناك يا سيف قوي المضاريب وربك يغير بين شمس وضحاها
مستور
عرفنا حسابك يا كثير التحاسيب تهنا بها اللي زمان لقاها
ولا يالمطوع لاتفوت المحاريب ولن فاتت السنة على الله دواها
عبيدالله
ليا مخطت الرمية تجي رمية تصيب ترد القلوب الطاغية عن هواها
هل الطرش ترعى طرشها فالاشاعيب و راع التجارة ما يدور كماها
مستور
ركبنا ظهور مكسرات المصاليب حفظنا المجنن لين ربي هداها
صحيح الحقايق يكشفنا الاكاذيب نبي نفقع القربة وينكت ماها
عبيدالله
ليا كانيحضر صاحب العلم ويغيب ولو كان سلعة ناجحة ماشتراها
هلا مرحبا ترحيب عند المعازيب عدد ماتلوح بروقها في سماها
يقولون طبع الذيب ما ياكل الذيب وكل يميز وجهها من قفاها
مستور
يدوم البقا يا هذيل كسابة الطيب هذا الأولة والثانية من وراها
ولا يا عبيدالله صفى النا المشاريب ترى اللي كتبها يا الهذيلي قراها
عبيدالله
هذا الحظ والإنسان ما يعلم الغيب ليا كتبت الطرقة لشخص مشاها
ألا يالصقور اللي حداد المخاليب ليا شحت الأرزاق جابت عشاها
مستور
عليكم مطاليب وعلينا مطاليب ومن مد نص الكف ياخذ ملاها
ليا نوخت الحمولة أشم خنيب على الدرب يا رجال تثبت خطاها
عبيدالله
تعبنا تعبنا خلف عوج العراقيب عساها ترد اللي خسرنا عساها
أنا محتزي من دون شك ولاريب ودار الكرامة عزها من حصاها
مستور
أنا حاسبنك من خيار الاصاحيب وكبدي تبا تظمى وتقطع ظماها
لابد الطبيب يداوي الجرح ويطيب ليا بانت العلة عرفنا دواها
عبيدالله
معزبك يالنشمي يثني التراحيب ولكن نفسك فيه طاري طراها
قرينا على وجه الظروف المكاتيب ولكن يدين القوم تحمى لحاها
مستور
ونا ما طرالي عيب ولا عذاريب ولاني بحاسب سرعها من بطاها
ليا راحت الأيام شيب شلاهيب زبنت الرجال اللي يذري ذراها
عبيدالله
ولك في زمان العرف درس وتجاريب وشبل غانم خلها في خباها
ضربناك يا سيف قوي المضاريب وربك يغير بين شمس وضحاها
مستور
عرفنا حسابك يا كثير التحاسيب تهنا بها اللي زمان لقاها
ولا يالمطوع لاتفوت المحاريب ولن فاتت السنة على الله دواها
عبيدالله
ليا مخطت الرمية تجي رمية تصيب ترد القلوب الطاغية عن هواها
هل الطرش ترعى طرشها فالاشاعيب و راع التجارة ما يدور كماها
مستور
ركبنا ظهور مكسرات المصاليب حفظنا المجنن لين ربي هداها
صحيح الحقايق يكشفنا الاكاذيب نبي نفقع القربة وينكت ماها
عبيدالله
ليا كانيحضر صاحب العلم ويغيب ولو كان سلعة ناجحة ماشتراها
