برررق الحيا
:: عضو جديد ::
- إنضم
- 17 مارس 2009
- المشاركات
- 708
.. في بلادي و مكه المكرمه تحديدا متي يتوقف النزف ..؟؟
وتنتهي السلبيات في اطهر بقاع الكون :: متى ::
يوميات محقق حوادث
[poem=font=",6,black,bold,italic" bkcolor="transparent" bkimage="" border="none,4," type=2 line=1 align=center use=ex num="0,black""]وتنتهي السلبيات في اطهر بقاع الكون :: متى ::
يوميات محقق حوادث
اه من هم ٍ في قلبي ماكبره = من بعد ماجيت مكه يالوليد
مكه اللي الخير فيها ماكثره=مير فيها ناس ياصبر الصعيد
اكثر العربان فيها مدبره =شفت فيها مايشيب بالوليد
كيف حادث سير والسائق مره = والحوادث ماتقل الاّ تزيد
والعمل طابور والعالم سره= والملفات القديمه والجديد
ودعوجية شر تبغي المشوره = والمرور يكابد الحظ العنيد
ناس مدري ليش هي متكبره = والذي مخطي يجيب الك الهجيد
ولا ركبه الحق شد المنظره= وانتفخ شريان راسه والوريد
وقال سامحني تراني ماقدره = والقدر مكتوب والدعوه حديد
بين مكه والمدينه مقبره=وبين مكه والشعيبه وش يفيد
والطرق ياناس وش ها المسخره = والمهندس يشبه لساعي البريد
والشوارع حزن طاغي واغبره = من يبي الممشي بها الحر الشديد
والحدايق شهب مافيها اثمره = والاماني مثلنا ياما نريد
*واتذكر هرج دكتر ميسره = وان اصل الحل تشجيع البليد
كيف يادكتور نرضي المجزره = والبليد يعيش ويموت العديد
العقاب اصبح كلام ومحبره = والغشيم يسوق ورعان العميد
امتّى واحلولها متنثره =وان قربنا الحل تطبيقه بعيد
وينها ايام القلم والمسطره= قبل عصر الانفتاح المستبيد
يومها ماكان فينا منظره = او دعاية كذب للعاقل تكيد
والحجيج بلا زحام مكبره = دون هاالحملات والمسلم سعيد
مير هذا الوقت صارت جمهره= والتجاره في المساكن والعبيد
الطمع لابد نهدم منبره = وكل تاجر يعتبر مكه رصيد
وآآاه من هم ٍ في قلبي ماكبره= والحوادث ماتقل الا تزيد [/poem]
