قالت وقلت

[مطـــر الجوفـــ في]

السلام عليكم ورحمةالله وبركاته اطرح بين ايديكم هذه القصيده عسى ان تنال استحسانكم
وهي تخيلات شاعرليس لها علاقة بالواقع ابدا واعذروني على بعض الالفاظ
التنسيق يالربع


[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
قالت سلام وقلت يازين الاوصاف = ترى سلامك فيه حسنه وسيه
قالت عساك اليوم ماصابك خلاف = قلت الخلافه من سهوم المنيه
قالت علامك ياهذا الزين خواف = قلت المخافة من رقيب البريه
قالت دروب الحب ياالطيب اصناف= والدرب نمشيبه شويه شويه
قلت المحبه مابها ارباع وانصاف =أخاف لابكره نسوي قضيه
قالت توقع لاتجي حد الاسراف =نبغى نحدد لاتعدى عليه
قلت الها طيب والاسماع وقاف = مادام فالموضوع روحه وجيه
قالت نبى نعطيك لاحد الاكتاف = واللي سواتك يستحق الهديه
قلت الحقيقه مابها عدل وانصاف = هديتك يابنت جتنا بليه
قالت ترى غيرك من الناس طواف =يبغى ذواقه من شفاة الصبيه
قلت الفرس يابنت تحتاج عساف = خلك ترى مافالمخاليق زيه
قالت فداك الخوخ واحسب للاعراف = اعراف بدو تعشق الجاهليه
قلتلها مارد ولا اشرب بمغراف = ميرادها الجمه وتصدر رويه
قالت عرفت انك تبى حد الارداف = لكن هذي يالسنافي قويه
قلت الصراحه طاري الحد ينعاف = بعد اجتمعنا فالمحبه سويه
قالت ترى حيرتني بين الاهداف = والظاهر مشره يابو زيد فيه
قلت التحف معكي على الود بلحاف = يالين كلن يشتفي من خويه
قالت قمر ربي بالاعيان ينشاف = واللي تباه ابعد وصعب مجيه
قلت اسمعيني ماعلاكي تحساف = صدري شمالي ماتهزه بنيه
قالت غرقت بحبك بدون مجداف = واليوم جيتك كلبويه عطيه
قلت اخذ المطلوب يازين الاوصاف = قالت تفضل واشرب الشاذليه
قلتلها لحظه للاعمار قصاف = رب يحاسبنا على كل نيه[/poem]

 

[رايد الياسي]

صح لسانك وبيض الله وجهك

قصيده رائعه

دمت ودام ابداعك

 

[عقيلي من هذيل]

قصيده راااائعه وبيض الله وجهك

محادثه جميله بين عاشقين


قلتلها لحظه للاعمار قصاف * * رب يحاسبنا على كل نيه

ختاميه موفقه للقصيده وهي تقوى الله والخوف منه

مطرفي الجوف

تحياتي لك​

 

[صياد الأسود]

تحية قوية لك عزيزي على هذا الإبداع الشعري قصة غاية في الروعة بين عشيقين

أنت مبدع بحق تقبل تحياتي الحارة​

 

[فتى الحجاز]

الله الله يامطرفي الجوف صح لسانك حتى ترضى وبيض الله وجهك وكفوووو يابن بطاح شاعر جزل مافيك حيله وربي .

قالت فداك الخوخ واحسب للاعراف * * اعراف بدو تعشق الجاهليه
قلت لها مارد ولا اشرب بمغراف * * ميرادها الجمه وتصدر رويه

ياسلام ياسلام لله درك

 

[بيرق لحيان]

أعذبه و أهذبه أكذبه << بزيادة تصرّف

صح خيالك يالمطرفي

 

[عماد الهذلي]

صح لسانك وخيالك يامطرفي الجوف


مبدع لاهنت


تحية طيبة

 

[الطرف الخجول]

يسعد مسآك يآلمطرفي ـآ

جزل آلله لآيضرك تستآهل آلنآيفه

 

[الحميا]

صح لسانك وعلا شانك​

 

[أبو عمار]

يسلام عليك وعلى القصيده الجزاله وتحياتي

 

[عمر العميري]

صح لسانك واعتلا شانك

قصيده راااااائعه

وكل عام وانت بخير يأبن العم

اطيب التحايا

 

[االمطــرفــي]

الله الله
على هاذا الابداع ياخي مطرفي الجوف
قصيده رائعه جدا جدا
وشـــــــــــــــــــــــكـــــــــــــــــــــــرررراا

 

[مطـــر الجوفـــ في]

صح لسانك وبيض الله وجهك

قصيده رائعه

دمت ودام ابداعك

صح بدنك ووجهك ابيض

الاروع حضورك