الحميا وطيب الهقوات

[الحميا]

هذه محاوره جرت بيني وبين
الشاعر/ ابراهيم السفياني ( طيب الهقوات)
قبل حوالي عام​

خضر البقيلي​

مرحبا من هجوسا ساهره ماتنـام
دامها تحت حكمي واعرف اعلومها​

قبل عيد الضحيه بعد شهرالصيـام
ليلت(ن) من سماها طاحت انجومها​

ابراهيم السفياني​

البقا من هجوس الطيب ارد السلام
ردة(ن) تاصل اهل الدار وقرومها​

لو تطيح النجوم من السما ياسلام
زانت الملعبه واعلنت مرسومهـا​

خضر البقيلي​

الوفا والمكارم من سلـوم الكـرام
وانت من عزوت(ن) ماتترك الزومها​

احتزم ياوسيع المعرفـه بالحـزام
والهدف بين معطاهـا ومحرومهـا​

ابراهيم السفياني​

الوفا سلمنا لاهـل المواجيـب لام
عزوتي سادة العراف من يومهـا​

احتزمنا وولمنا الصفر والحسـام
لجل جزله تشوش الراس ونرومها​

خضر البقيلي​

انتبه لاتخالف ياعميلي النضـام
لوم نفسك قبل لا اضيق والومها​

وفي الكيل لاهله بالوفا والتمام
فرق مابين ضالمها ومضلومها​

ابراهيم السفياني​

مامشينا الدروب الي تجر الملام
حشمة للرجال الي على سومها​

منبر اهذيل كان الي عليه الزحام
قبل لاتبكي العذرا سبب شومها​

خضر البقيلي​

لابقلك حـلال ولا بقلـك حـرام
وانت تعرف طباع القوم وسلومها​

عارفين القصور وعارفين الخيام
في يدينـا وثايقهـا وبختومهـا​

ابراهيم السفياني​

اعرف اهذيل تاريخا عزيز المقام
واعرف اللي يضد القوم ويسومها​

والله انا لنا منـزال ذروة سنـام
كيف تدخل خيام البدو ودحومهـا​

خضر البقيلي​

محتمين المواقف من جنوب وشام
وان سرينا اليالي نفرك اخشومها​

مانت باني هرم ياصاحبي من عدام
منزلي قصر والخيمه لمحمومهـا​

ابراهيم السفياني​

الليالي لهـا شلفـا تقـص العظـام
وانت دوبك تصحي الحضر من نومها​

انت ساكن قصر واتلى القصر للهدام
فوق جرف هيـال يميـل اعزومهـا​

خضر البقيلي​

قبل تهجم عليكم قوة الاقتحـام
ثم تخلي مزارع عوف من ثومها​

كاتبين الروايه قبل عشرين عام
حددو لك عفارتها ويشمومهـا​

ابراهيم السفياني​

اعدل السالفه ولا عليه الحـرام
لازهم هذيل عايشها ومرحومها​

انت حلمك في يد مفسرين الحلام
لاتعـرض حياياهـا وزقومهـا​

 

[أبو ملاذ]

http://up.arab-x.com/Nov10/6SY19611.gif

صحت الالسن

محاوره ع معاني رفيعه

عارفين القصور وعارفين الخيام
في يدينـا وثايقهـا وبختومهـا

بيض الله وجيهكم.. ودوم ع القوه ياارب​

 

[عقيلي من هذيل]

صحححح لسانك ياخضر

وصح لسان ابراهيم السفياني

بيض الله وجيهكم

محاوره ولا اروع

استمتعت بقرائتها

تحياتي للحميا​

 

[خالد الهذلي]

ياسلام ياسلام

صح لسانك يالحميا

وصح لسان الشاعر طيب الهقوات

محاوره قمه وسبك وحبك

ومعنى بين الشعار تمت مناقشته بحرفيه ودهاء

تحياتي لك يالحميا وعساك على القوه .

 

[رايد الياسي]

صح لسانك يا الحميا
و صح لسان طيب الهقوات


ابدعتم .... وامتعتم

 

[الحميا]

صحت الالسن

محاوره ع معاني رفيعه

عارفين القصور وعارفين الخيام
في يدينـا وثايقهـا وبختومهـا​

بيض الله وجيهكم.. ودوم ع القوه ياارب​

هلا وغلا

المتألق / ابو ملاذ
صح بدنك
شكرا من القلب لمرورك الراقي​

 

[عبدالرحمن مساعد]

بيض الله وجهكـ ياابو وافي..

.
.

شعااار مافيكم حيله..
.
.


تقبل مروري..
.
.

ولكـ احتراامي​

 

[الحميا]

صحححح لسانك ياخضر ​

وصح لسان ابراهيم السفياني​

بيض الله وجيهكم ​

محاوره ولا اروع ​

استمتعت بقرائتها ​

تحياتي للحميا​

هلا وغلا

المتألق / ابو ملاذ
صح بدنك
شكرا من القلب لمرورك الراقي​