الشيناني
:: عضو جديد ::
- إنضم
- 31 يناير 2010
- المشاركات
- 2,157
في نفرة حروفي أصور طواريك
وأزاحم احساسي وأسابق رحاله
وآجيك أناجي فيك وصلك وأناجيك
وأقول لك : جيتك وأنا في عجالة
@@@
يا منتهى الرقة ألا كيف أجازيك
وانته مزاجك فوق حد الثمالة
كن الثقل طلسم يعقِّد معانيك
وعذبات حسنك بدلّته لجزالة
أطعم حلاك إن قلت اسمك وطاريك
وأشربك ( كيف) إن قلت : أنا له حلاله
@@@
تعال فيني خلني كل أراضيك
تعال دربك يم صدري سهالة
امشي على الشريان عجِّل خطاويك
وأرجع وسط قلب(ن) تركته لحاله
خايف تشوفك عينهم ثم تغليك
وأنا غيور وغيرتي بك عدالة
,
,
,
بقلمي
الشيناني
التعديل الأخير بواسطة المشرف:
