مفروض يعطي ثوبه الحرمه ويلبس ثوبها ..

[حفيد الشيخ]

العمـر يفنى والحياه أحـلام والدنيا متـاع
يا كـمّ نفـسٍ روّحـت مـا حقّقـت مطلوبهـا ​

يا منخدع في ضحكة الدنيا ترى الضحكة خـداع
لا تأمن الدنيا ولو تضحـك لـك مْـع جنوبهـا​

إن ما تغانمت المراجل قبـل ساعـات الـوداع
بَعَد وفاتك ماهي بصوبـك ولا انـت بصوبهـا​

والمرجلة ماهيب سلعـة تنشـرى والاّ تبـاع
كم ناسٍ يقومون ويطيحون مـا فرحـوا بهـا ​

اللي مولّع بالضياع يـروح لـدروب الضيـاع
واللـي مولّـع بالمراجـل مـا يغـرّ دروبهـا ​

الطّيب بيِّن ومتعيِّن مـا علـى وجهـه قنـاع
لكن بعض النـاس عميـا والجَهَـل عذروبهـا ​

والغيب ما يُعلم لكـنّ العقـل سِيـد الإختـراع
ليا اشتغل عقلك عرفت الناس وش ف"قلوبهـا" ​

وإن كان ما انته مستفيد من الدّماغ الاّ الصّداع
ما غير حـظ الصّيدليّـة مـا تبـور حبوبهـا ​

لا صرت ما تتعب على ( والنِّعم ) قدر المستطاع
صدّت ولفّت لك ظهَرهـا واعْطَتِـك عرقوبهـا ​

وليا تملّكْت الكـرم والحكمـة و طـول الـذراع
لا تشغلك نفسـك تـراك اعطيتهـا ماجوبهـا ​

والواحد اللي لا كريـم ولا حكيـم ولا شجـاع
مفروض يعطي ثوبه الحرمه ويلبس ثوبها​

 

[عناد طفلة]

وإن كان ما انته مستفيد من الدّماغ الاّ الصّداع

ما غير حـظ الصّيدليّـة مـا تبـور حبوبهـا ​

أليم البيت
بالحيل عجبني :61:
تسلم خيو على النقل الرائع
و
دمت بكل ود.

 

[فرحة خفوق]

والواحد اللي لا كريـم ولا حكيـم ولا شجـاع
مفروض يعطي ثوبه الحرمه ويلبس ثوبها​

</b></i>



مشكور على النقل المميز .......
راقت اللى كثير ....
نفسي من جد هذا البيت اعطيها كل رجال ارخمه مايسوي شي ...

 

[حفيد الشيخ]

اشكركم على المرور الرائع وتقبلوا تحياتي​

 

[سحر الشرق]

اخي حفيد الشيوخ الله يمسيه
بالخيرصاحب هالأسلوب التلقائي البعيد عن التكلف؟
ودي ودعواتي بالتوفيق لك وله​

 

[فارس المسعودي]

​

يا منخدع في ضحكة الدنيا ترى الضحكة خـداع
لا تأمن الدنيا ولو تضحـك لـك مْـع جنوبهـا​

والواحد اللي لا كريـم ولا حكيـم ولا شجـاع

مفروض يعطي ثوبه الحرمه ويلبس ثوبها​

اعجبتني كثير هالابيات
لك كل الشكر والتقدير

 

[أبو عمار]

وإن كان ما انته مستفيد من الدّماغ الاّ الصّداع
ما غير حـظ الصّيدليّـة مـا تبـور حبوبهـا
الله عليك ياحفيد الشيخ وتسلم وصح السانك

 

[حفيد الشيخ]

سحر الشوق اشكرك على المرور ومساك الله بالخير تحياتي لك​

 

[حفيد الشيخ]

اخي فارس اشكرك على مرورك وتقبل تحياتي​

 

[حفيد الشيخ]

اخي ابو عمار سلمك الله وصح الله بدنك ولك ودي​

 

[ابن وارد]

وليا تملّكْت الكـرم والحكمـة و طـول الـذراع
لا تشغلك نفسـك تـراك اعطيتهـا ماجوبهـا ​

اخي الشاعر حفيد الشيخ صباح الخير والى الامام يابو محمد ونشكرك على هذه القصيدة الجميلة

 

[حفيد الشيخ]

ابن وارد اشكرك على مرورك الرائع وبيض الله وجهك ​