تدرون وش اللي يتعب البنت بالزود ...

[حفيد الشيخ]

تدرون وش اللي يتعب البنت بالزود
رجل يخون أشواقها والموده​

اللي الى احتاج الغلا صار نمرود
واذا شبع من ماعطاه استرده​

البنت ريحانة غلا ناعمة عود
تبغى لها رجل ورث طيب جده​

رجل فعوله كلها جود في جود
مايلتفت للي كفوفه تمده​

رجل ليا جته الليالي بمنقود
يتكي لها مابيح الوقت سده​

ماهو بخبل مارعى للهوى عهود
وأدناة ماعارض طريقه يرده​

ولاهو بعله ولاهو بملهود
ولاشكوك وكل طاري يحده​

ماأشين من الرجال لاجاك ببرود
وان قال له ترف القدم شي صده ​

تبي لها براق طيب له رعود
أن اجذبت يمطر على ريف خده​

وأن نادته تكفى لقت عنده الفود
يشيل عزتها على قوى زنده​

كفه نفل وأنفاس صدره لها عود
وظلالها الضافي بيدها تمده ​

البنت خد وقد ونواظر سود
وريحة غلا يابخت من شم نده​

البنت لاحبت تثمر لك ورود
وياطيب من يقطف نوواير ورده​

واللي يهين البنت ناقص ومقرود
فرس غلا ماهي بحمارة مكده​

تحياتي ..,​

 

[سحر الشرق]

حفيد شيوخ قصيده جميله.واللي يتوفرله صاحب البيت الأخير
يعتبرتوفرلهاالأجمل والاحلى والامثل.يحمدربه​

 

[فرحة خفوق]

رائعه جدآ ........
معاني جميله ....
وكلمات في الصميم .....
الف شكر ياحفيد الشيخ (فارس )

 

[حفيد الشيخ]

سحر الشوق اشكرك على المرور​

 

[حفيد الشيخ]

الصمت الجريح لا شكر على واجب كما اشكرك على المرور​