حدايه موديها للاخ عطيه بن حامد القريقري الحربي

[صلاح وارد المطرفي]

هذي الحدايه وديتها البارح للاخ عطيه القريقري في مناسبة زواج ابنه وقد اعتذرت مسبقا عن الحضور

الا ان الفرصه سنحت في الساعه الحاديه عشر ليلا واتجهت من مكه الى جده

وبنيت ابيات الحدايه في طريق مكه جده السريع اقول فيها :

سلام يامن جابنا داعيه من مكه لجده
راع الوفا اللي مدنا بالطيب واجبنا نمده
دايم خطانا في لزوم اهل اللوازم مستعده
مانقصر الخطوه عن اهل الطيب في وقت اللزوم

رغم المشاغل والظروف حضورنا مامنه بده
لو المسافه للفرح ياهل الوفا عشرين شده
تبقى الصداقه بيننا في كل واجب مستمده
عسى الفرح والامن في هذا البلد دايم يدوم

الرد من المعازيب ومنهم الشاعر العلم عرابي القريقري :

يامرحبا باللي حضر ترحيب مانحصي نعده
باللي على الطيب نشا من يوم ابوه ويوم جده
مقداركم ياهل الوفا دايم على وسق الاشده
وانتم وحنا مشينا دايم على حسب السلوم

راعي الوفا ياهل الوفا معروف ما شي يرده
بنيه على الساس الوثيق اللي نعمره مانهده
والصاحب اللي نفتخربه من غلاه يزيد وده
قسمه معزز بيننا محسوب من خير القسوم

[glint]
وسلامتكم
[/glint]

 

[عقيلي من هذيل]

صــ لسانك ــح يابو وارد

حدايه من اجمل ماقرأت

مبدع ماشا الله عليك

تعجبني حداياك كثيرا

صح لسان معازيبك فقد كفوا ووفوا في ردهم

تحياتي وتقديري ياصلاح​

 

[عمر العميري]

بدع ورد رائعين

بيض الله وجهك ياصلاح

وصح لسانك


اطيب التحايا

 

[صلاح وارد المطرفي]

وجهك ابيض ياولد العم ولك مني كل الشكر على تنسيق الحدايه واعتذر من الجميع على الانقطاع الغير مقصود في الفتره السابقه وللجميع تحياتي وتقديري

 

[أبو رديد]

صح لسانك يابو عادل

وبيض الله وجهك


حداية جميلة جداً والجزل مايجي منه كود الجزالة والعلم الزين

والثمن لا يقل روعة أيضاً




ألف شكر

 

[صلاح وارد المطرفي]

وجهك ابيض ياولد العم وماعليك زود انته وجميع الاخوان

 

[أبو ملاذ]

وجهك ابيض ياولد العم ولك مني كل الشكر على تنسيق الحدايه واعتذر من الجميع على الانقطاع الغير مقصود في الفتره السابقه وللجميع تحياتي وتقديري

لا للإنقطاع يابو وارد

لا غنى لنا عن كلماتك العذبه

وصح لسانك ولسان القريقري مبدعين في كل الحالات حتى مع الخطوط السريعهههه

ودي

 

[سلمان الندوي]

صح لسانك يا ابو وارد حدايه قويه كلام شاعر متمكن
،،،،،،،،،،،،،،
،،،،،،،،،،،،،،،،،،،،،،،،،
الله يعطيك العافيه

 

[صلاح وارد المطرفي]

ابو ملاذ سلمان الندوي اشكركما على مروركما واعود لاخي ابوملاذ واقول فعلا لاللانقطاع واشكرك فعلا على التنسيق تقبل ودي