زوجه توصي زوجها قبل وفاتها

[بن سعيد]

[align=center]ترى الذبايح وأهلهـا مـا تسلينـي
أنا أدري إن المرض لا يمكن علاجه

أدري تبي راحتي لا يا بعد عينـي
حرام ما قصرّت يديـك فـي حاجـه

خذهـا وصايـا وأمانـه لا تبكينـي
لو كان لي خاطر ما ودي إزعاجـه

أبيك بـ يديك تشهدنـي وتسقينـي
أمانتـك لا يجـي جسمـي بثلاجـة

لف الكفن في يديك وخل رجلينـي
ما غيرك أحد كشف حسنه وإحراجه

أبيك بالخيـر تذكرنـي وتطرينـي
يجيرني خالقـك مـن نـار وهاجـة

سامح على ما جرى ما بينك وبيني
أيام نمشـي عـدل وأيـام منعاجـه

عيالي همي وأنا اللي فـيّ يكفينـي
علمهـم الديـن تفسيـره ومنهاجـه .[/align]

 

[المســـعـــودي]

تسلـــــــــــــــــــــــــــــم يابن سعيد على القصيدة الرائعة فعلا ويعطيك الف عافية

 

[فارس الدهما]

تلسم يابن سعيد على هذا النقل المميز

 

[أبو حمدان]

قصيدة رائعة ومؤثرة فعلاً ، الله يعطيك العافية

 

[بن سعيد]

أشكر لكم مروركم على الموضوع

 

[ابو سعد]

قصيده حزينه و مؤثره


رحم الله قائلتها



شكرا لك يا بن سعيد





تحياتي ,,,