عبدالحميد الفهمي والزبالي في شاعر المعنى2

أبو فهم

:: عضو جديد ::
إنضم
1 أكتوبر 2007
المشاركات
70
الحلقه الخامسه من شاعر المعنى2 والتي جمعت الشاعر عبدالحميد الفهمي وجبر الزبالي


الطاروق الاول

عبدالحميد الفهمي

مرحبا ترحيبة فيها الرضا والراضه = يعلم الاطرش بها ويعلم الطراشي

فال فتل ونقض يالفتاله النقاضه = يجلس المفلس وربان السوالف ماشي


جبر الحربي
البقاء يالشاعر اللي نعرفه بالفاضه = في زمان العولمه والفلسفه معتاشي

يطول الميدان يالسباقه الركاضه = وانت هذا اليل توك في المسيره ماشي


عبدالحميد الفهمي
مانعيد بالثياب الرثه الفضفاضه = قدرة الله تغلب الحساد والغشاشي

علم المستعرض المغرض يلم اغراضه = الحقايق مايجي فيها جدل ونقاشي


جبر الحربي
كان صدرك ممتلي وان كان صابك غاضه = قدرة الله ضد فعل المرتشي والراشي

الطبيب اللي عرف كل المرض واعرضه = كان تبغاها تعود هوشة ونقاشي


عبدالحميد الفهمي
بيننا ياجبر سر ونظرة وغماضه = والملاحظ ما يلاحظ رفة الارماشي

الطاروق الثاني الذي بداه جبر الحربي

جبر الحربي

سلام واليله المعنى بحر سده محيطات = ماكل واحد عرف غزر المحيطات الغزيره

اللي على ساسها تبنى المواهب والحظارت = الواجب انا نشد الركب من ديره لديره


عبدالحميد الفهمي
الله يحييك والمعنى تبين له علامات = والعارفه يعرف ان الاوله غير الاخيره

علوم يتعب لها وعلوم لاراحت ولاجات = وان طعتني لاتشد الركب من شبه الجزيره


جبر الحربي
ان كان واكبت عصر العولمه واهل الصناعات = عزالله انك ضميرك حي وعلومك سفيره

وان كان ماطعتني مابيني وبينك علاقات = اليله انته معك هاجوس وعلومك كثيره


عبدالحميد الفهمي
انا اخذ الطيبه والثانيه ماقول لك هات = والادمي يلتزم بالدين ويحاسب ضميره

ترا البنايات يالحربي تعز من البدايات = ياجبر كم من كسور ماتجبرها الجبيره


تحياتي لكم
 

خالد الياسي

:: عضو جديد ::
إنضم
31 يوليو 2007
المشاركات
7,550
اهلا وسهلا ومرحبا وحياك الله يا ابو فهم

وحيالله ماجبت ..

وصح لسان الشاعرين..
 

عباد الهذلي

:: عضو جديد ::
إنضم
29 نوفمبر 2007
المشاركات
8,185

سلمت يابو فهم على ماجبـت

وبالتوفيق للشـآعر عبد الحميد الفهمي
 

عبدالرحمن مساعد

:: عضو جديد ::
إنضم
14 سبتمبر 2009
المشاركات
2,499

حيا الله ابوفهم..
.
.
وصح لسان الشاعرين..
.
.
وعبدالحميد شاعر لايُشق له غبار..

.
.


لكـ احتراامي
 
عودة
أعلى