ياشيب خليت العوارض مغاتير

[ابو وسام السعيدي]

السلام عليكم ورحمة الله وبركاته

[poem=font=",6,black,bold,normal" bkcolor="transparent" bkimage="" border="none,4," type=2 line=1 align=center use=sp num="0,black""]
بيني وبين الشيب هيبه وتقدير= اللي غزاني في بداية شبابي
ياشيب خليت العوارض مغاتير=يمكن على ماقيل ناوي عذابي
هذي ثلاثينٍ مضت كلها غير=مابين عدلات الزمن وانقلابي
شفنا من الايام شتى التغايير=وسقنا على درب المراجل ركابي
لاشك خان الحظ يالله عسى خير= فالمقبلات يعود ويدق بابي
دنياً بها كل الاوادم مسايير= ماتعمله تلقاه وسط الكتابي
ولاشك ماننسى القروم المناعير=اللي لهم وقفات يوم الصعابي
الصاحب اللي مد من دون تقصير= مانقصر ايدينا عنه لو غابي
ولا ياخوي الجنب من غير تأخير= ارحم ضميرٍ من عنا الوقت ذابي
ارحل بنا لو ابعدنّ المشاوير= نبعد عن الأنذال قوم النشابي
خل الخواطر بالتسامح معاشير= حتى يطيب الزاد هو والشرابي
نصبح بوسط معوشبات المخاضير= مع الرجال اهل الشرف والمهابي
وعلى بيوت اهل الوفاء واصل السير= خلك على جرّة عزيز الجنابي
وفي مجلس اهل الطيب ورد ومصادير=صوب الرجال اللي لها القلب طابي
تلقى بها رؤوس الشيوخ المغاوير= اللي لهم اعلنت كل انتسابي
كم اعتقوا وكم اطلقوا من معاسير=وقفاتهم تشبه رواسي الهضابي
وتلقى بها سوق الدلال المباهير= والعود الازرق صار مثل السحابي
مابين شيخ مجرب وعاقل يشير= تدرج سوالفهم طريق الصوابي
مجلس تهيب ابه الوجيه المسافير= ياحيهم ياحيهم من ذيابي
هم الشيوخ اللي لهم كل تأثير= اللي بهيبتهم تطيح الرقابي
أخير مِن مَن يكنزون الدنانير= يقول كل العز داخل حسابي
ولاحتجتهم جاتك كثير المعاذير= يضيق بك كل الفضاء والرحابي
أبعد ديارك عن وجيه المعاثير= خلك على ماقيل مثل العقابي
اليا جزع من ارضه يفز ويطير= يترك منازله القديمه خرابي
وصلاة ربي خاتمه يالجماهير= صلوا على محمد رسول الثوابي
[/poem]
سيف السعيدي

 

[ابوخزامى]

الله لايضرك ياسيف
ابداع متناهي
صح لسانك

 

[مساعد الهذلي]

وتلقى بها سوق الدلال المباهير
والعود الازرق صار مثل السحابي
مابين شيخ مجرب وعاقل يشير
تدرج سوالفهم طريق الصوابي


صح لساااانك قصيده راائعه

 

[رايد الياسي]

الله ... الله


صح لسانك وبيض الله وجهك يا بو وسام

شاعر جزل وقصيدة جزلة

تحياتي

 

[صدى الماضي]

صح لسانك وعلى شانك...لاهنت الى الامام

 

[الـمـطــ الهذلي ــــرفي]

صح لسانك ياابو وسام

 

[عز الرفيق]

لله درك يا سيف

جزل و لا تجيب الا الجزل

بيض الله وجهك و صح لسانك

 

[ابو وسام السعيدي]

الله لايضرك ياسيف
ابداع متناهي
صح لسانك

صح بدنك يابو خزامى

مرور قيم اشكرك

 

[عقيلي من هذيل]

صــ لسانك ــح وسلمت يمينك

قصيده جزله

مبدع ياسيف كما عهدناك

لله درك ياسيف الشعر

اطيب تحيه​

 

[أبو رديد]

صح لسانك ياسيف


جزالة عالية


شكراً لك

 

[ابو وسام السعيدي]

وتلقى بها سوق الدلال المباهير
والعود الازرق صار مثل السحابي
مابين شيخ مجرب وعاقل يشير
تدرج سوالفهم طريق الصوابي


صح لساااانك قصيده راائعه

صح بدنك يامساعد

اشكرك ودمت بخير

 

[عماد الهذلي]

ماشاء الله تبارك الله

صح لسانك أخي سيف ولاهنت

قصيدة جزلة من جزل


تحية طيبة

 

[عبدالرحمن مساعد]

حيا الله سيف..
وحي ماجاب..
.
.
صح لسانكـ..
وابيض وجه..
.
.
لكـ احترامي​

 

[ابو وسام السعيدي]

الله ... الله


صح لسانك وبيض الله وجهك يا بو وسام

شاعر جزل وقصيدة جزلة

تحياتي

حياك الله ياقرناس
صح بدنك
ووجهك ابيض

اشكرك على المرور العذب
دمت بحفظ الرحمن

 

[جميل المطرفي الهذلي]

صح السانك وعتلا شانك
قصيده معبره وقوية
وفيها من الصور الشعريه الشئ
الكثير لك كل احترام وتقدير

 

[ابو وسام السعيدي]

صح لسانك وعلى شانك...لاهنت الى الامام

صح بدنك
اشكرك على المرور

 

[ابو وسام السعيدي]

صح لسانك ياابو وسام

صح بدنك
يعطيك العافيه

 

[ابو وسام السعيدي]

لله درك يا سيف

جزل و لا تجيب الا الجزل

بيض الله وجهك و صح لسانك

صح بدنك ووجهك ابيض
الجزل هو مرورك الرااااااائع

 

[ابو وسام السعيدي]

صــ لسانك ــح وسلمت يمينك​

قصيده جزله ​

مبدع ياسيف كما عهدناك ​

لله درك ياسيف الشعر​

اطيب تحيه​

اشكرك على المرور يالصليمي
صح بدنك وسلمت يالذيب

 

[ابو وسام السعيدي]

صح لسانك ياسيف


جزالة عالية


شكراً لك

صح بدنك ابو رديد
اشكرك