هذا مكانك

[أبو غالي القارحي]

أسعد الله أوقاتكم بكل خير...

[poem=font="traditional arabic,6,blue,normal,normal" bkcolor="transparent" bkimage="" border="double,4,blue" type=1 line=0 align=center use=ex num="0,black""]
أبطى اجتماعك يا عجول الفراق = يا مالك قلوبٍ وياعبد لقلوب
تامر وتنهى في ضعيف النطاق = وتطيع أمر اللي يذلَّـك ولا يتوب
هذي طبوعك، ما على الطبع واقي = طبعٍ درج في ساير الناس مقلوب
في مطلبك ملتف ساقٍ بساق = وعيَّا على فوج الملبين مطلوب
أزرى المصابح لا ينال التلاقي = واصبح هَجود الليل في بطن شلهوب
ون شاف صاحب منك طيب السياق = ما ذاق غير اللي مقدَّر ومكتوب
يا قرش داير ، يا كثير الطلاق = قضّيت عمرك من صناديق ف جيوب
ما تذكر العشرة ومغلي الصداق = قدام يحجب شمس وصلك به غروب
واليوم طالت بك دروب المشاقي = مشتاق صابر وانت منته بمحبوب
ون طحت في كفي قطعك استباقي = داوي ملقي في ضواريس وحروب
مالك ف حكمي غير فقد الرفاق = تروح بدروبٍ ولا تردَّك دروب
للضيف حقٍ منك اشوفه حَقاق = والصُّلح بين اهل النقا ألف ماجوب
أشبّ بك نارٍ بصدر النفاق = واطفي لهب صدرٍ معنَّى ومكروب
هذا مكانك في يديني "غلاق" = وللى البشر يكفي ، ولو كنت يادوب
إن رحت ، نوَّر ليل خلّي احتراقي = ون جيت يشفى بك صديقٍ ومطبوب
وانا ف مكاني في عزيز المراقي = لا زدت في ثوبي، ولا تقصّر الثوب[/poem]


وسلامتكم....

 

[عماد الهذلي]

لا زدت في ثوبي، ولا تقصّر الثـوب


أنا أشهد ياسلام يابو غالي

مبدع مبدع

وصح لسانك على هذا النص الرائع حقا


تقييم أعلى

تحية طيبة

 

[أبو رديد]

سلمت يابو غالي



وصح لسانك


قصيدة رائعة

 

[رايد الياسي]

سالم وغانم يا بو غالي

صح لسان وكل كيانك

تحياتي وتقديري

 

[ابنة هذيـــــل]

وانـــــــــا ف مـــكـــانــــي فــــــــــي عـــــزيـــــز الـــمـــراقــــي
لا زدت فــــــي ثـــوبـــي، ولا تــقــصّـــر الـــثــــوب

قصيدة شامخة ، لا فُض فوك ..​

 

[ابوخزامى]

صح لسانك يابو غالي
مبدع كعادتك
تحيه طيبه

 

[أبو غالي القارحي]

لا زدت في ثوبي، ولا تقصّر الثـوب
أنا أشهد ياسلام يابو غالي
مبدع مبدع
وصح لسانك على هذا النص الرائع حقا
تقييم أعلى
تحية طيبة

حيا الله مشرفنا الغالي...
وصح بدنك يا بن العم...
إشادة أعتز بها...
تقبل وافر ودي وتقديري...

 

[أبو غالي القارحي]

سلمت يابو غالي



وصح لسانك


قصيدة رائعة

يسلم غاليك يا بو رديد...

وصح بدنك يا بن العم

شاكر مرورك الكريم

 

[أبو غالي القارحي]

سالم وغانم يا بو غالي

صح لسان وكل كيانك

تحياتي وتقديري

سلم غاليك يا راعي الطيب

كل الشكر لك يا قرناس على المرور العذب

تقبل وافر تقديري وودي

 

[برررق الحيا]

ابدعت في وصف القروش الله يجيبها بالحلال في زمن اختلط الحلال بالحرام فيه

اعلي تقيييم علي هذه الشامخه

 

[أبو غالي القارحي]

ابدعت في وصف القروش الله يجيبها بالحلال في زمن اختلط الحلال بالحرام فيه

اعلي تقيييم علي هذه الشامخه

حيا الله برق الحيا....
شاكر مرورك الكريم...
تقبل ودي وتقديري...
واللهم آآآآمين