نهاية عشق

[عادل المطرفي]

اخواني اخواتي اعضاء منتدى مجالس هذيل

مساكم الله بالخير جميعا

مشاركه متواضعه مني وعذروني على تنسيق النص مو راضي يجي معي​

جايز يجوز ان جازلي عنك صديـتوجائز يجوز ان جازلي عنك ماروح

وإن جازلي في وصف حبك تغنيـتماهمني لو انقش اسمك علـى لـوح

اوصفك في شطرين وارسمك في بيتورجع وعيدك ورسمك داخل الروح

ولو القصيد يمـل مـا منـك مليـترغم ان قربـك كلـه آلآم وجـروح

انت الوحيد اللـي وصلـت وتعديـتكل القصيد وكل مـن قـال مملـوح

لـكـن غـرتـك اللـيـال وتخـلـيـتوخليتني في وادي الحـب مطـروح

تذكـر لقانـا يومهـا وش سـويـتتـركـتـني واقـف على بـاب مفتـوح

لاقدرعليك ادخل ولاعشـت ووحيـتكلمة هذاك وذاك والحـال مشـروح

ماتدري انـي وقتهـا قلـت ياليـتمالله خلقني لجـل لاعيـش مذبـوح

واليوم من جـرح المحبـه تعافيـتإن جيت لي ياخير وإن رحت مسموح

يكفيـك منـي لـو عليـه تماديـتماقول غير اللي حصل منك مدمـوح

ويكفيني اللي منـك شفتـه ولاريـتما في الهواء يازين فاضح ومفضوح

انا عشقتـك عشـق وانتـه تغـليـتوهذي نهاية من تغـلا علـى الـروح

تحياتي لكم / عادل بن وصل الله المطرفي[/center]

 

[عماد الهذلي]

لاهنت شاعرنا عادل لاهنت

مرحبا بك في مجالس قبيلتك هذيل

وصح لسانك على هذا النص الجميل، والروح الشاعرة

موفق وننتظر الجديد


تحية طيبة

 

[عادل المطرفي]

هلا والله اخوي عماد الهذلي

صح بدنك ويشرفني تواجدك وعساك على القوه

تقبل تحياتي​

 

[مساعد الهذلي]

صح لسانك ياعادل المطرفي

 

[حامد السالمي]

صح لسانك يا ولد العم ونرحب بنتاجك الشعري ونتمنى لك التوفيق والسداد ،،،

 

[رايد الياسي]

صح لسانك ياعادل وكل كيانك

قصيدة جميلة وحضور راقي

تحياتي و تقديري

 

[بن قاسي الهذلي]

يامرحبا والله ياعادل المطرفي

اطلاله جميله تدل ع ان لديك الكثير

صح لسانك بانتظار جديدك

 

[ابوخزامى]

ياسلااااام ياعادل
صح لسانك
مبدع

 

[عادل المطرفي]

صح بدنك اخوي مساعد

ولاهنت يالنشمي

تحياتي لك

​

 

[عادل المطرفي]

هلا والله ياحامد السالمي شرفت بمرورك

لاهنت يالنشمي

تحياتي لك

​

 

[عبيد بن حمود]

صح السانك يا عادل مبدع في بحور الشعر ولك تحياتي

 

[عمر العميري]

قصيده اشرقت بشمس الجراح وفضحت ليل الهواجس والاهات

قصيده مملوه بالدفء والحنين والصدق

صح لسانك ياعادل nlinelong:

ومرحبا بك في منتدى مجالس هذيل ويسعدنا تواجدك الدائم

تحياتي

 

[أبو عمار]

صح السانك وقصيده رائعه وحياك الله بين ربعك