اقرب شاعر يالربع

[شباب]

يامرحبا ترحيبة ٍ نسبح بها السبع البحور
من شاعر ٍ وافي وعاقل في زمان الهسترة
الذيب في راس الجبل يعوي وغيره في الجحور
له مخلب ً ساطي يجيب الصيد قلنا ما اكثره

 

[فتى الحجاز]

دام البقا بالشاعر اللي مايلف ولايدور # وان كان لف ودار نكسر فيه عظم ونجبره

اثرك ذيبٍ مايهابه لاحوار ولاجزور # تجيب صيدك مير زادك ماتعدا الحنجره

 

[شباب]

اهلا ً هلا والعظم جابر ماعلى حظي عثور
وانت نويت القاف لكن خطوتك متعثرة
فتى الحجاز اللي يشرفنا ليا جاله حضور
لكن به علة خفية ينتظر له دكترة

 

[أبو رديد]

السلااااااااااااام عليكم


أسعد الله أوقاتكم بكل خير



مواري محاورة من العيار الثقيل



واصلوا يا مبدعين




متابع بكل سرور

 

[فتى الحجاز]

قليل البخت لن جاب المطارق ضيّع الشنيور # مير الزمان معذّره قدام حظه يعذره
انا ماقط قابلني مريض ينصح الدكتور # وابليس ينفخ لك في نار الين تصبح مجمره

 

[فتى الحجاز]

السلااااااااااااام عليكم


أسعد الله أوقاتكم بكل خير



مواري محاورة من العيار الثقيل



واصلوا يا مبدعين




متابع بكل سرور

عليكم السلام ورحمة الله وبركاته حياك الله يامشرفنا ابو رديد ارحب تراحيب المطر ويعطيك العافية يابن العم

 

[أبو رديد]

الله يعافيك ويسلمك من كل شر



شباب وينه ؟؟

 

[شباب]

فتى الحجاز عندك خلل في الوزن الله يعافيك

 

[شباب]

ابورديد حياك الله ومتابعتك تشريف

 

[فتى الحجاز]

فتى الحجاز عندك خلل في الوزن الله يعافيك

حياك الله ياشباب والظاهر انك ماعرفت تقرا البيوت وتغنيها زين والا البيتين مافيها اي خلل لامن ناحية الطرق ولاناحية الوزن .

 

[شباب]

فتى الحجاز الله يسلمك الابيات فيها خلل يعني رحت لبحر ثاني غير اللي كنا نلعب عليه ابياتك الاولى سليمة لكن الاخيرة اختلف اللحن
واترك مجال المناقشة لاخواننا الاعضاء والشعار يحكمون

 

[خالد الهذلي]

فتى الحجاز الله يسلمك الابيات فيها خلل يعني رحت لبحر ثاني غير اللي كنا نلعب عليه ابياتك الاولى سليمة لكن الاخيرة اختلف اللحن
واترك مجال المناقشة لاخواننا الاعضاء والشعار يحكمون

الله يعطيكم العافيه على المحاوره الشيقه

وكان ودي انكم واصلتم لان الابيات كلها علي لحن واحد

ولايوجد اي اختلاف علي الوزن في جميع الابيات

لذلك لايوجد سبب لايقاف المحاوره ..

 

[سفير القوم]

الشهاده لله ياشباب
البحر أختلف والكسر موجود

 

[ذيب سرحان]

الفص الاولى من البيت الثاني قصير مو بس في الكتابه حتى في الحن

 

[بيرق لحيان]

قليل البخت لن جاب المطارق ضيّع الشنيور # مير الزمان معذّره قدام حظه يعذره
انا ماقط قابلني مريض ينصح الدكتور # وابليس ينفخ لك في نار الين تصبح مجمره

الشطر الأول من كل بيت على وزن آخر

صح الألسن

 

[خالد الهذلي]

يالربع الابيات موزونه ولحنتها على لحن واحد

بس يمكن قراية الاخوان للابيات غير صحيحه

 

[abogehad]

قليل البخت لن جاب المطارق ضيّع الشنيور # مير الزمان معذّره قدام حظه يعذره
انا ماقط قابلني مريض ينصح الدكتور # وابليس ينفخ لك في نار الين تصبح مجمره

إذا كان إختلافكم على هالبيتين فالبيتين سليمه مافيها ولا شي

لحنتها على قاف شباب ونفس لحنه مشت معي زي الحلاوه