حداية موجهة الى عقيلي من هذيل

[عقيلي من هذيل]

شباب

سلام تسليمة على الهذلان واخص العقيلي
شاعر مع الشعار ينظم مايغر من الدليلي
رسالته جتنا ولكن لاكثير ولاقليلي
حنا ليامنا بدعنا مانبى نقد الغريب

ربعي هذيل اهل الفعايل تروي السيف الصقيلي
عدونا يبكي ودمعاته على خده تسيلي
يشهد لنا التاريخ قوم الفعل واصحاب الجميلي
نثني العدا ثني العصا لامن بدا فعل الحريب
​

عقيلي من هذيل

يامرحبا في مرحبا عداد همال المخيلي
باللي كتب واللي قرا واللي يجي عابر سبيلي
رسالتي جتكم بعد شفت الحمل قرب يميلي
والنقد مايزعل عريب الساس وافهم يالبيب


ربعي صليم اهل الفخر ربعي مزبنت الدخيلي
واليا حداك الوقت تلقى في طرفنا لك مقيلي
وانته وحنا من هذيل اعرف عميلك ياعميلي
ماني غريبٍ عنك دامك من هذيل انا قريب

​

شباب
​

دام البقا عداد ماخيّل وسيّل كل سيلي
والله ونعم بربعنا الصلمان والمولى وكيلي
واصحك تردد جابة المرحوم وافهم ياقبيلي
هذا كلام الشاعر اللي قالها وزعة وطيب

ربعي رجال ً في المواقف يفعلون المستحيلي
تسقي العدو سم الفعل وتداوي القلب العليلي
وانت ليا مني ذبحتك منت شافي لي غليلي
ماغير ابكسب ذنبكم والله على قولي رقيب

</b></i>

عقيلي من هذيل

لاواوجودي وجد عودٍ طاعن وعمره ثقيلي
بيغى الغنايم فـ الولد والورع كت مع المسيلي
ضيع نصايح شايبه للموت يالقلب الهبيلي
غره زمانه والجهل وابليس والوقت العجيب


قال المثل خض الصميل يبين لك زبد الصميلي
وان جيت اخضك ياولد ماضن انا بلقى حصيلي
لاكن ريح وارجهن لاتقعد تحط وتشيلي
واقصر فـمشيك لاتعثر ثم تحول في القليب

شباب
​

العود لاربى عياله لاتخاف ولاتحيلي
واحذر من الدنيا ولاتصحب ردي ولاخبيلي
واحسن لك تجنب عن العالم ولاتلقى خليلي
هذا الزمن مقلوب غير الذيب تلقى قلب ذيب


وانت اش حصيلك واقف ٍ مابين عدل وبين ميلي
تغرق فبحري ياولد في كل صبح وكل ليلي
منت على نهر الفرات ولاعلى ضفات نيلي
فخيام من بين الصنادق لاقريب ولاحبيب ​

عقيلي من هذيل

هيض عليه علم جاني مادواه الا الفتيلي
من واحدٍ نبرش له دروب الوفا وامسى يعيلي
يامحذر العقال من شرواك انا بالي طويلي
لو دار بك وقتك تراني فالزمن راسي صليب


لاواحليلك يامعشر لو تعدل كل قيلي
ماتدري ان محيطها يشرب بحرها لو مهيلي
مد البصر لبعيد ياراع الهروج انا هذيلي
وبيوتنا يذري ذراها ومجلسي عامر خصيب​

 

[حماس]

شباب و عقيلي من هذيل

يعطيكم العافية محاورة طيبة

 

[أبو محماس]

ماشاء الله تبارك الله صح الله السنتكم جميعا كان ودي اشاركم ولكن الاشغال اشغلتني ومشاغل الدنيا الله يكفينا شرها

 

[مساعد الهذلي]

صحت السنتكم وبيض الله وجيهكم ولو كانت الحدايه الاولى والثمن واكتفيتو كان افظل وأروع

 

[شباب]

حماس
ابومحماس
مساعد

بارك الله فيكم ومتابعتكم تشريف بلاشك