يوم كلٍ حاز عنها مساعد حازها

[عبدالله الطلحي]

إهداء لأخي وصديقي الغالي
مساعد سعود المطيري ( أبوفارس )
بمناسبة ترقيته​

قلت يالهاجس ودق التحيه ثم قالمن يعرف العسكرية يعرف إيعازها

الرتب ماترفع إلا الضعوف من العيالاعرف رجالٍ تعز الرتب بإنجازها

مثل ابو فارس ليا قيل شيال الثقالخل عنك اللي تسولف على مركازها

الثقيله مالها إلا البريع من الجمالكم ضعيفٍ ما قدرها لو إنه رازها

والجمايل مالها إلا مطانيخ الرجاليوم كلٍ حاز عنها مساعد حازها

قمة الأمجاد مثل المنيف من الجبالالقليل اللي رقاها وكلٍ هازها

والطيور الوان واشكال كلٍ له مجالماتقارن مع حرار الصقور وبازها

والهدف ماجابه إلا المخاميس الطوالمن على الذرعان وإلا على معنازها

إبعد الأنواز وإدع النشاما للنزالتشكر البرنو ليا شفت طرح انوازها

قلتها واقولها صدق في كل إحتفالما مدحت إلا قروم العرب وعزازها

 

[طــيــر شــلــوى]

صح لسانك ياشاعر الحكمه ويستاهل ابو فارس كل خير

 

[عمر العميري]

صح لسانك ياشاعر الحكمه وبدورنا نهني صديقك مساعد المطيري على الترقيه ونقول له الف مبرووك تحياتي وتقديري

 

[أبو رديد]

صح لسانك شاعر الحكمة



والف مبروك ترقية خويك والله يوفقه

ويوفق الجميع

 

[رايد الياسي]

صح لسانك يا بو ناصر ونعم في المادح والممدوح

 

[حامد السالمي]

صح لسانك شاعرنا الرمز ، ومبروك الترقية لزميلك ويستاهل المدح.
تحياتي ،،،