شباب اليوم

[شباب]

لقينا شباب اليوم يبحث عن الفلة
لكن السعادة في الحيا مايحصلها
وانا اقول قهويني وقرب ليه الدلة
وانا افند الاحوال واعرف مشاكلها
صلاة الفجر محد ٍ يصلي صلاة الله
ولوهي بلوت يصير دايم مواصلها
وبعض البشر يبكي على الكم ويبله
على عشق فاني منيته ماتوصلها
ويكتب قصايد كلها ملح لابالله
يزيف شعوره والخريطة يفصلها
ترى الصدق منجاتك ليا ضاقت الحلة
ولاحجة ٍ تثبت بليا دلايلها
ليا كنت فاضي عندك الفرض قم صله
وبعد الفريضة جات حزة نوافلها
تنال الثواب وتوصل الدرب وتدله
وترتاح جدا ً بعد ما ضاع جاهلها
ورب الملا غفار يدمح لك الزلة
ولكن عقابه زلزل الناس زلزلها
تغانم زمانك وامش مسلم على الملة
وحذرى تنافق للوجيه وتمثلها
وخلك على الشدة كما السيف ابوسلة
عطيب المضارب والمواجيب كملها
ولاتصحب اللي في الشدايد لهم ذلة
ترى الخوف خصلة في البشر ماتجملها
كذا المرجلة يافلان ماهي كما الفلة
ولاني معزي قوم ضاعت مراجلها

 

[صقر جبله]

ولاتصحب اللي في الشدايد لهم ذلة
ترى الخوف خصلة في البشر ماتجملها
كذا المرجلة يافلان ماهي كما الفلة
ولاني معزي قوم ضاعت مراجلها

بيض الله وجهك ياشباب وصح لسانك جزله من شاعر جزل

فالك التوفيق​

 

[حامد السالمي]

وافية من رأس وافي وصح لسانك أبيات طيبة ،،،

 

[مساعد الهذلي]

شبااب صح لسانك قصيده جزززله لاهنت يالغالي

ننتظر جديك

 

[شباب]

صقر جبله اسعد الله ايامك وصح بدنك وسلمت وسلم غاليك

 

[abogehad]

ذكرتني ياشباب بواحد من جماعتنا الله يرحمه , جا الموت في غنمه وكن نفسه ضاقت من الوضع ويفكر في عياله ماعاد يبغون الغنم ولا اليره

وعاد قال قصيده فكاهيه منها

الغنم بــــــعد وقع بها الموت ... يالله أطب البلد والعب الضومنه والبلوت
وامشط الراس واحط تولوت ... ؟ ؟؟؟؟؟؟؟؟؟؟؟؟؟؟؟؟؟ أعتبيله جميع الزيوت

طبعا قصيدتك تحكي واقع نعيشه مع جيل هالأيام نسأل الله لنا ولهم الهدايه

 

[عقيلي من هذيل]

صح لسانك اخي شباب

قصيده جزله

جزيت خيراً ​

 

[بن قاسي الهذلي]

الله الله الله

رائع بماتعنيه الكلمه ياشباب سلاسه وجزاله تشكر عليها

صح لسانك وفكرك

ليا كنت فاضي عندك الفرض قم صله

بس اذا كنت فاضي ^_^​

 

[شباب]

حامد السالمي حياك الله يالذيب وسلمت وسلم غاليك والشر مايجيك

 

[رايد الياسي]

الله يصلح الحال

صح لسانك و بيض الله وجهك

قصيدة جزلة

تحياتي و تقديري

 

[بيرق لحيان]

حكيمة من حكيم

و وافية من وافي

قصيدة تدل على التمكن

صح الله لسانك و فكرك

 

[شباب]

مساعد الهذلي بارك الله فيك وحياك الله

 

[شباب]

الزيداني حياك الله ومافي مناسبة تجمع ابياتك اللي ذكرتها مع قصيدتي شكرا لك

 

[كفيل العرب]

صح لسان ولله درك على ها الحكم بيض الله وجهك

ودي واحترامي

 

[شباب]

عقيلي من هذيل حياك الله وبارك الله فيك

 

[abogehad]

الزيداني حياك الله ومافي مناسبة تجمع ابياتك اللي ذكرتها مع قصيدتي شكرا لك

بالعكس يالحبيب أنا يوم قريت هالبيت

ليا كنت فاضي عندك الفرض قم صله

جاعلى بالي إن القصيده فكاهيه لأنه من غير المعقول أن يقوم ألإنسان بما فُرض عليه لإدخاله الجنه بعد رحمة ربه إذا كان فاضي . طيب إذا ماكان فاضي يترك الفرض ولا يصليه ويقول والله شباب افتانا بكذا في قصيدته الفلانيه

لا حظ إن الله سبحانه وتعالى قال ( ومايلفظ من قول إلا لديه رقيب عتيد)

مشكور يالحبيب

 

[شباب]

بن قاسي حياك الله

سبق ان شاهدت برنامج على قناة الرسالة للشيخ سلمان العودة وتكلم فيه عن الصلاه وقال ان الانسان اللي عنده دوام شفتات 8 ساعات يجوز له ان يؤخر الصلاه

الى وقت استيقاظه وانه معذور لانه لازم ينام 8 ساعات ولايمكن يكون فاضي وقتها ولذلك بدعت البيت

ليا كنت فاضي عندك الفرض قم صله وهذا جواب على الزيداني ايضا وبارك الله فيكم

 

[مشهور الطلحي]

ليا كنت فاضي عندك الفرض قم صله
وبعد الفريضة جات حزة نوافلها
تنال الثواب وتوصل الدرب وتدله
وترتاح جدا ً بعد ما ضاع جاهلها



شباب الله لايخلينا منك قول امين


صح لسانك اول شئ

المسلمين وهم في الحرب لازم يصلون


بس يمكن اقول تقصد شئ ثاني خلينا نقول نص سريالي مثلا بمعنى تصوير رمزي هذا المخرج الوحيد معنا وان شالله اني خارجتك من قومنا الذين بغو علينا




شكرا لك

 

[abogehad]

بن قاسي حياك الله

سبق ان شاهدت برنامج على قناة الرسالة للشيخ سلمان العودة وتكلم فيه عن الصلاه وقال ان الانسان اللي عنده دوام شفتات 8 ساعات يجوز له ان يؤخر الصلاه

الى وقت استيقاظه وانه معذور لانه لازم ينام 8 ساعات ولايمكن يكون فاضي وقتها ولذلك بدعت البيت

ليا كنت فاضي عندك الفرض قم صله وهذا جواب على الزيداني ايضا وبارك الله فيكم

يالحبيب

ألإمام الشافعي وهو أحد أئمة المذاهب الأربعه قال ( إذا وجدتم في قولي مايخالف قول الله ورسوله فاضربوا بقولي عرض الحائط وخذو بما قال الله ورسوله)

والله سبحانه وتعالى قال ( إن الصلاة كانت على المؤمنين كتابا موقوتا) يعني محدده بوقت معين فالغريب يوم نقول ياناس الله ورسوله قالوا كذا ويجي من يقول لا . سلمان العوده قال كذا

 

[شباب]

قرناس بني ياس الله يقويك ويبارك فيك يامشرفنا العزيز