قضية القدس في الميزان

[شباب]

بالورد والفل والريحان
أفضل تحية نقدمها
للانتفاضة وللشجعان
اللي لهم روح نعلمها
روح المجاهد قوي ايمان
كل المدافع يصادمها
هو أعزلي غير بالحجران
روس الشياطين يرجمها
مسرى النبي في يد العدوان
والقدس راحت معالمها
ليش ياعرب ليش هالخذلان
القدس لامانسلمها
قضية القدس في الميزان
بالعدل والحق نحسمها
ترجع لملك العرب الآن
والمسلمين اللي تحكمها

 

[عباد الهذلي]

[poem=font=",4,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
بالورد والفل والريحان=أفضل تحية نقدمها
للانتفاضة وللشجعان=اللي لهم روح نعلمها
روح المجاهد قوي ايمان=كل المدافع يصادمها
هو أعزلي غير بالحجران=روس الشياطين يرجمها
مسرى النبي في يد العدوان=والقدس راحت معالمها
ليش ياعرب ليش هالخذلان=القدس لامانسلمها
قضية القدس في الميزان=بالعدل والحق نحسمها
ترجع لملك العرب الآن =والمسلمين اللي تحكمها [/poem]

//
//


صح لسانك شبــآب

 

[شباب]

صح بدنك ياعباد وان ابن عمك شرفتني بمرورك الرائع والجميل

 

[حامد السالمي]

صح لسانك وبارك الله فيك ،

 

[خالد الياسي]

صح لسانك واعتلا شأنك..

 

[رايد الياسي]

صح لسانك يا شباب وبيض الله وجهك

 

[شباب]

حامد السالمي حياك الله يامديرنا العزيز وسلمك الله

 

[شباب]

أبوغلا حياك الله وبياك وصح بدنك يالذيب

 

[شباب]

قرناس بني ياس دائما تشرفني بمرورك الكريم والقيم دام ودك وصفاؤك

 

[كفيل العرب]

صح السانك يا شباب مبدع


شباب ثورتبي لشجان=يصعب على احَد ٍيدمدمها

مابه احد يجمع العربان= أفـوآه ربـك مكممها

شعوب ترعى.لها رعيان=رعيانها اللي تعممها

لكن عوذ من الشيطان=وعلومنا لا تعلمها

نفيرهم يمطر النيران=والعرب كتمت مناسمها


شباب مذكوربا القران=لاجات الاخرى نهدمها

ونكسر العودوالطيران=في وقتها صح نلجمها

ودي واحترامي

 

[شباب]

كفيلنا بيننا الميدان
جابتك لاشك نفهمها
لكن ترانا كما الاخوان
اللي ترامى من اسهمها
الشعب ياصاحبي سكران
في احلام قشرى تحلمها
واليا صحي قبله الطوفان
ودروب قبله نلغمها
ترى المسيرة لها برهان
تعبير بإحكام يُحكمها
مانقبل الريّس الخوان
اللي على الناس يظلمها
نبغى العدالة من الانسان
وحكاية الزور نهزمها
ياشاعر ٍ يطمر الضلعان
جمالك اليوم نوسمها

 

[كفيل العرب]

نشوفها للتقى الجمعان
وعفوشنا ساع نحزمها

..
..
فريد حمزه ترى مليان
طلقه ولاحدٍ تلزمها

..
..
ولو تفزع مطير والعتبان
والله ماضن نعسمها

..
..
مايعسم عيونها الدخان
والكحل ماهوب راسمها

..
..
الناس من ضعفها الذبان
يسلب غذاها ويرغمها

..
..
صردان طايح على بردان
بانت بلاوشم يوشمها

..
..
يا الله يا الله ياحنان
نفوسنا لا تسممها
..
..
قلته وانا عزوتي الهذلان
تموت وتبقى مراسمها

 

[كفيل العرب]

الصبح مايسبق الاذان
وآذآننا وش مصممها
.
.
يا المستفق شوفني نشطان
ركيب حنطه ابا اصرمها
:
:
مانيب ناشب ولا بلشان
ابني بيوتي واصممها



الله يسعدك يا شباب آمين
اثرت قريحتي الليله وانا طفشان في الغربه

 

[شباب]

لاصار منك الحكي يافلان
اصدح وغني ونزهمها
وان كنت ياصاحبي تعبان
احذر بيوتك تعممها
كفيل جانا بلا جنحان
مكسور في الرجل مرهمها
وعيون حولى كما العميان
اللي تكاثر تبسمها
كل القبايل بخير وشان
وارزاق ربي مقسمها
ترى الغني طبعه السفطان
وان جات هجمات هاجمها
حسني مبارك طلع غلطان
ياماسرق من دراهمها
ويحاكمونه على الطغيان
والمدة اللي تسلمها
يلقى السلاسل من السجان
وينسى مهمات خمخمها
وانت اهذلي مامعك نقصان
شاعروالاهداف ترسمها
واحنا معك نوفي الديان
نعلمك يامعلمها
اصحك تجاري على القيفان
بعدين صحبتك نعدمها
خلك على السمن والقرصان
والوجبة اللي تلهمها
في الحرب قدامك الفرسان
اللي تجيك بمحازمها
ربعي تربي هل العصيان
شجعان زايد تلاحمها
قدوة ليا شبت النيران
والبعض بالقاز يشعمها
الزبدة احنا على النيشان
رمياتنا في لوازمها
كسرات فيها من التبيان
ماقد كفى عن توهمها
ادرس اجيال ياذيبان
واكسب لي عقول واحشمها
بنيت بالقافية بنيان
ابراج ربي مدعمها
ياللي على عشتك حيران
ذبحتك ربي محرمها
انت كما الددسن النيسان
غبارها من عوادمها
والذيب في طرقته سرحان
والشاه بالناب يلزمها
تصبح عشا حزة مسيان
وجبة هنية مولمها
وختامها المسك لكن عان
بالكي والنار نختمها

 

[كفيل العرب]

جيتك على نيتي طربان
طازه ولانيب أخممها
..
..
با الطيب ما جيت با الخفان
وبا العطر ما جيت ارممها
:
:
كمال ما نعرف النقصان
وافتح عيوني ماسلهما
:
:
نارد ونشرب من الحيضان
وسُهم المنايا نولمها
:
:
مانحسب فلان يا فلتان
نزرها مع لغاصمها
:
:
جدي وجدك تبا العيدان
تلتم محدن يحطمها
:
:
شباب بسم الله الرحمان
ماتربت ندوم نكرمها
:
:
لاتشتحن كنك البركان
وتثور طاقه بمكمنها


والله اني حذفت اللي مالها لازم ههههههه كرامة لك

ونها طوليه وانا بن عمك ما اقفلت القافيه بوجي ولا المعنى

لاني كاوي يدي عن الشعر كله بس هيضتني.

ودي واحترامي

 

[شباب]

كفيل يامشرع البيبان
جندي وجالك مقدمها
والنظم بين الجماعة زان
وبيوتنا ماتهشمها
ذقت العنا والعذاب الوان
منا لياجيت حاكمها
اخذت بك جولتين وبان
مقصدك واعرف تعشمها
منت بداين ولاديان
وهذيل نعرف سوالمها
والذيب مانام بالاعيان
فريسته كيف يرحمها
واللي نوى الرد جا خسران
لوهو شرب من زمازمها
دور لطاقتك يابن فلان
قدام روحك نغرمها
الشعر حنا هله والان
بعض الجهاهيل نفطمها
ابداع باقي على الازمان
للحم جزار يفرمها
حنا لنا في الشعر ديوان
هذيل والله مكرمها
ربعي وربعك وقوم الشان
اللي تقوت عزايمها
رجال لاغنت الالحان
يسمع لها الكل من فمها
وانت مع هاجسي سهران
وعيونكم ماتنومها
يالله عسى خير ياذيبان
سلم ولازم تسلمها
وان كان جا منكم العدوان
حرام مثلك لاليمها
واسقيك مر الحيا فنجان
وخدودك السود نلطمها

 

[عمر العميري]

ابداااااااااااااااااااااااع منقطع النظير

صح لسانك ياشباب

صح لسانك ياكفيل العرب

تحياتي

 

[شباب]

بن عادي حياك الله شرفتنا بمرورك المشرف والرائع ونورت متصفحي بارك الله فيك وصح بدنك

 

[عقيلي من هذيل]

صحت الالسن

مبدعين ياشعراءنا

الله بيض وجيهكم امتعتونا بكلماتكم الرائعه

تحياتي لكم ​

 

[شباب]

عقيلي من هذيل حياك الله وصح بدنك وبارك الله فيك