عبدالله الميزاني & حبيب العازمي ...

[عمر العميري]

هذ المحاوره اعجبتني واحببت انقلها لكم

ويكفي ان اسوار الذهب هو احد اطرافها ...

حبيب العازمي....

سلام بقاف للعراف مطوي مثل طي البيـر
وطي البير يحفضها مايدفنها على ماهـا
أنا شاعر ولي وجهة نظر وحده فقط لاغير
أقول الشعر غبه من طفح عنهـا تعداهـا

عبد الميزاني

هلا يامرحبا ترحيب يسبح في بحر ويطير
يحل من الدير اللـي حبيـب ماتحلاهـا
كلامك مايتعبني بسيـط ولايبـا تفكيـر
ابا اكتبلك حروف منقطه بسطور ومحاها

حبيب العازمي ....
والا ياطير يالي مايشوفك غير جن مطير
متى تلقى الطيور اللي مخاليبك تعشاها
ياعبدالله هداك الله تراك بخير وانا بخير
لاكن الرجل يتعب في لزومه لين يلقاها

عبدالله الميزاني...
أقول انك واشك انك تبيع الاجر بالتأجيـر
وهاذي عدها يالعازمـي وانـا اتعداهـا
أبو سبعة كفر يمشي ولاهو مثل ابوجنزير
ابوجنزير يسرف فالجبـال اليـا تولاهـا

حبيب العازمي ...
انا مانيب مثل اللي يقولون الذهب قصدير
وخو مره على الجره لاكحلها ولا عماهـا
لون الذيب يمشي لين يصدم في جبال النير
مصيبة قوم صالـح ناقـة الله وسقياهـا

عبدالله الميزاني...
أنا ماقول فيك اطقوق لاقاصـر ولاتقصيـر
ليا ضيعتلك حاجـه بعـد شهريـن تلقاهـا
من اللي يحسبن الخمروالميسر لحم خنزيـر
والارض وماطحاها من ضحاها الليل يغشاها

حبيب العازمي...
ليا طاب المريض من المرض وش حاجة التقرير
نهايـة علتـه يومـن ربـي يسـر ادواهــا
عطاك الله من هموم الليال السود حمـل بعيـر
وحدتك الجمال اللـي هديـرك ضـاع فرغاهـا

عبدالله الميزاني...
سمعت انك عميل(ن)تدعم الارهاب والتفجير
من اللي كنت تنفض راسها وتحك علباهـا

هنا مفقود بيت لسوء التسجيل....

حبيب العازمي...
كمنك قد قضيت اسبوع في كابل وفي كشمير
وحالق لحيتـك وتعيـر العربـان بلحاهـا
ولا يالزير سالم ليت مثلك لونـص الزيـر
علشان العرب تعرف عصاها اللي تعصاهـا

عبدالله الميزاني....
ولا يالعازمي مسرع ومتهور بدون انبيـر
ولا يازينها لو القـدور البيـض بغطاهـا
أكل مفرودها سبع الخلا وازرت ترام الضير
ولاندري من اللي عندها ويروح ماجاهـا

حبيب العازمي...
أناخابرك ماتسرع ولاكنك عكست السير
وجتك النجده اللي يقبس ادناهامع اقصاها
عساها ماترام الا بعد يحصلهـا تدبيـر
وعبدالله يرعاها مايدري كيف يرعاهـا


اعطر التحايا

 

[عبدالرحمن مساعد]

جيا الله بن عادي..
وحي الله ماجاب..
.
.
محاورهـ جدا قويهـ..
وظهر تمكن سوار الذهب أكثر من العازمي حبيب..
.
.
سوار الذهب شاعر يعرف من اين تؤكل الكتف..
.
.
شكرا ولكـ جُل الاحترام​

 

[عباد الهذلي]

حبيب العازمي ....
//
//
[poem=font=",4,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
والا ياطير يالي مايشوفك غير جن مطير=متى تلقى الطيور اللي مخاليبك تعشاها
ياعبدالله هداك الله تراك بخير وانا بخير=لاكن الرجل يتعب في لزومه لين يلقاها [/poem]

عبدالله الميزاني...
//
//

[poem=font=",4,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أقول انك واشك انك تبيع الاجر بالتأجيـر=وهاذي عدها يالعازمـي وانـا اتعداهـا
أبو سبعة كفر يمشي ولاهو مثل ابوجنزير=ابوجنزير يسرف فالجبـال اليـا تولاهـا [/poem]

0
0
0
محاوره من العيار الثقيل .
سلمت يابن عادي

 

[عمر العميري]

عبدالرحمن بن مساعد
مرحبا بك وابقاك الله

فعلاً عبدالله الميزاني هو الشاعر رقم 1 في فن المحاوره

ويعرف كيف تؤكل الكتف


شرفني مرورك العطر

 

[مشعل المعبدي]

اشكرك اخوي على النقل الرااائع وأعتب كثير على الأعلاام الذي يتجااهل الشااعر الكبير/عبدالله الميزاني الذي يعد من أعمدة المحاوره والذي أشاد به الشاعرالراحل/مطلق الثبيتي حينما قال أرى أنه يجيد من بحور عبدالله المسعودي فالشعر ضمن كلاامه

 

[عمر العميري]

عباد الهذلي

سلم غاليك والشر مايجيك

شرفني مرورك العطر

 

[عمر العميري]

مشعل المعبدي

مرحبا بك

شرفني مرورك العطر

 

[نايف الجابري]

شــــــــــــــــكرا" يابن عــــــادى


محاوره جميله جدا" يعطيك العافيه على النقل


تحياتى لــــــك وتقديري

 

[سـامي الهذلي]

يـ بن عادي
بيض الله وجهك على هذا النقل
حبيب العازمي و عبدالله الميزاني
شعراء كبار اغنياء عن التعريف

بس سوار الذهب لو يترك
عكست السير اللي ماتصلح
هههههه​

 

[الامبراطور]

هذى المحاوره تكلم عنها حبيب العازمي
http://www.youtube.com/watch?v=_c2LpEu3DOMV

 

[حامد السالمي]

انتقاء أديب وعليم بغرر المحاورات
تحياتي وتقديري ،،،