سلام سلم سلام اسلام
ياوااااد هات البراد المنعنش قوااامن
وتعال اترزع هنا اكتب هادا الموضوع في التو والحين لاحسن ناس وبدي احدسهم عن لعبه جوونااااان
اليوم بدي اقلكم عن لعبة من ايام الطفولة وكنا نلعبها مع عيال حارتنا في الكنكارية
وتتلعب جماعيه مو زي دحين ألعاب كلها مياعة ومرض وزغلله عيون وبلاوي زرقاء ما بدي اخرج عن الموضوع لكن شيء يربيلي الخفيف
اللعبه فيه ناس تسميها البرجون وطريقتها بسيطة وقصيره زي حكاية المقص كلمتين وبس ههههههه ايش هادا طلعنا من الموضوع مرة تانية الله يرج ابليسي ويوديني المدينة على رجولي.
المهم نوزع التيل او البرجون ادا تحبوا تسموه وتكون فيه حفر يعني القول حقها وتلاتة حفر طيبه وبعد التوزيع تبدا المقاشعة والمنافسه بين العيااال الأولاني يضرب البرجونه ويدردبها اللي بعده لازم يدردب ويصيبها في نافوخها كككككككككك يرمي برجونته وراء الأولانية ويصير زي السلقلق لمن يطرد الارنب
وادا صابها ياخد البرجونه وادا طلع فشنق يجيك التالت > والتالت الله يجيبه
الفايز يكون اللي ليم اكتر عدد من البرجونات
الفائز هادا زمآآآن كان يحسبوو حسابه مزبوط كل عيال الحاره والحواير المجاورة ويصير بالمره مشهور
واحب اقلكم انتبهوا للبازووورة الصغنططين لا يبلعوها يحسبوها حلاوه ككككككككككككك
واستودعكم الله وزماااان يا يام البساطة والطيب ومقابلة الحبيب
وهااادا الموضوع حصري للموقع لحد يستنقل منه الا ويجيب اسمي :40:
واللي يحب الحبيب يرد على الموضوع مو يديني اشكل :icon28:
