ايش اللي حاصل فهموني

[نمط رهيب]

سلام مني وكيف الحال وفي غيابنا ويش سويتوم مدري على العهد والميتاق ولا بمواضيع غيري تسليتم
وجمعه مباركه وسنه دراسيه حلوه لاولادنا وبناتنا وربنا يوفقهم ويعينهم
والله ماني عارف من فين ابتدي الهرجه بس هي زي حكايه المقص كلمتين وبس
انا مش شايف الفرحه على البزورة كلهم كانهم رايحيين ساحة قصاص مش مدرسه كل بزرة متضايق من المدرسه بطريقته الخاصه
ايش هاادي المشكله وليه صارت المدرسة تجيب الطفش للطلاب والطالبات وين راح التشويق ؟!
وكل من هب وداب سار مدرس ونقله أستاذ وهو ما يعرف يكتبله جمله مفيده على بعضها
دحين معاد يضربو زي زمان وبرضو البزورة عندهم ملل كبير بالمدرسة
زمآآآآن كان الاساتسه واحد يضرب بالباكوره وواحد تخصصه مفاتيح يحط المفاتيح بين الاصابع ويقعد يدق سلف هههههه الله يسامحه بس
وواحد عنده اختيارات يقلك تبغي كف ولا قرموع ادا قلت قرموع اداك كف وادا طلبت كف اداك قرموع ههههههههههه
وكل هادا وما نحس بالطفش اللي جابوه لبزورتنا وكانت شغلتنا بالبركة بس فدا الله يسامحهم الله يسامحهم

 

[abogehad]

أهه أهه أهه

كح كح كح

تصدق ياعم نمط كلامك هدا مزبوط كل البزوره طفشانيين مررره

إلا الواد أيمن

إلي في الطنطباوي فاركره

لقيته مفررررفش بالمره

مني عارف ليه

 

[نمط رهيب]

أهه أهه أهه

كح كح كح

تصدق ياعم نمط كلامك هدا مزبوط كل البزوره طفشانيين مررره

إلا الواد أيمن

إلي في الطنطباوي فاركره

لقيته مفررررفش بالمره

مني عارف ليه

طيب يعني المشكله موجوده
ايش الحل يا رزق الله

 

[مساعد الهذلي]

اكيد الطلاب بيطفشون من الساعه 7 صباحا الى الساعه 2 الظهر وهم جالسين حتى مايعطونهم نصف ساعه فترة نقاهة

ولاتنسى بعض المعلمين اللي يجيب لك جميع انواع الطفش ..

 

[سحاب]

لو سمحت كل واحد يتكلم عن بزورته ، عيالنا مو طفشانين

أنا أشوف شعورهم بالإمتعاض شعور طبيعي ، إحنا الكبار نمر فيه عندما تكون في إجازة طويلة تكون ماعندك مسؤولية عمل ، تنام وقت ماتبغى ، تصحى وقت ماتبغى ، تتمشى تخرج ،،،،،،،،، الخ
وبعدين يتبدل كل ذلك بنظام معين ، تنام بدري عشان تصحى بدري ، وقت للمذاكرة أعني " المسؤولية " لا يطيقها اطفالنا.

وأرى أن أختيار المدرسة المناسبة لأطفالي مهم ، يعني عندي بنت باين عليها اهتمامات معينة ومواهب
احذفها في أي مدرسة ؟
لازم اسأل على المدارس اللي تأهل الطلبة وتشجعهم وتنمي مواهبهم وهذا شيء
الشيء الاخر لازم الأهالي يغرسون في ابناءهم ان العلم والشهادة والمدرسة هذه نتيجة ايجابية لك وتنفعك " انت " يصير هو يهتم لأن ينام بدري حتى يصحى بدري هو يحب قومته ودراسته مو ترى ياماما إن ماجبتي الحاجه الفلانية ماني رايح بكرة المدرسة ولا اتضارب مع أخته وقلها بكرة ماني رايح وهكذا
وربما تكون هناك أسباب أخرى لهذا الطفش مهم برأيي تواصل الأهل مع المدرسة لربما الإبن متضايق من معلمه أو من أحد اصدقاءه ويكره المدرسة لهذا السبب ، لابد من التواصل بين البيت والمدرسة.


تحيتي لك أخي نمط.

 

[نمط رهيب]

اكيد الطلاب بيطفشون من الساعه 7 صباحا الى الساعه 2 الظهر وهم جالسين حتى مايعطونهم نصف ساعه فترة نقاهة

ولاتنسى بعض المعلمين اللي يجيب لك جميع انواع الطفش ..

مشكور على المرور ولو انك ما قتللي شكرا وما أديتني وش لكن فدا مو خساره في سيدي مساعد
والله يسلمك
الله يسلمك

 

[نمط رهيب]

لو سمحت كل واحد يتكلم عن بزورته ، عيالنا مو طفشانين

أنا أشوف شعورهم بالإمتعاض شعور طبيعي ، إحنا الكبار نمر فيه عندما تكون في إجازة طويلة تكون ماعندك مسؤولية عمل ، تنام وقت ماتبغى ، تصحى وقت ماتبغى ، تتمشى تخرج ،،،،،،،،، الخ
وبعدين يتبدل كل ذلك بنظام معين ، تنام بدري عشان تصحى بدري ، وقت للمذاكرة أعني " المسؤولية " لا يطيقها اطفالنا.

وأرى أن أختيار المدرسة المناسبة لأطفالي مهم ، يعني عندي بنت باين عليها اهتمامات معينة ومواهب
احذفها في أي مدرسة ؟
لازم اسأل على المدارس اللي تأهل الطلبة وتشجعهم وتنمي مواهبهم وهذا شيء
الشيء الاخر لازم الأهالي يغرسون في ابناءهم ان العلم والشهادة والمدرسة هذه نتيجة ايجابية لك وتنفعك " انت " يصير هو يهتم لأن ينام بدري حتى يصحى بدري هو يحب قومته ودراسته مو ترى ياماما إن ماجبتي الحاجه الفلانية ماني رايح بكرة المدرسة ولا اتضارب مع أخته وقلها بكرة ماني رايح وهكذا
وربما تكون هناك أسباب أخرى لهذا الطفش مهم برأيي تواصل الأهل مع المدرسة لربما الإبن متضايق من معلمه أو من أحد اصدقاءه ويكره المدرسة لهذا السبب ، لابد من التواصل بين البيت والمدرسة.


تحيتي لك أخي نمط.

هادا رد ولا موضوع هههههههههههه يعني بسبايب الاجازة
والله بلكن واصلها قصيره بالمره ومدخلين فيها رمضان والعيد خليها على ربك بس
الله يسلمك الله يسلمك

 

[أيام]

لأن أول أيام الدراسة بالنسبة لطالباتنا منبع ملل .. لا دراسة تعطى ولا ترحيب يُهلّ لهن .. أضف الى ذلك شدة الحر واللامبالاة لوجودهن .. وكل ماعليهن عمله هو الجلوس في ساحات المدرسة الداخلية والخارجية حتى يحين استلام الكتب ..

فالحق معهن ..

 

[عيضة العقيلي]

نسأل الله أن يهديهم ويصلحهم

 

[مايميزني لقب]

غريبه بعد هذه الاجازه ترا في عيون طلاب المدارس ملل ..!!
اعتقد هذا الملل ناتج من شعور أولياء الامور بالتضجر استعداد لطلبات هذه العوده ..و عكس هذا التضجر على نفسيه الابناء وصنع فيهم هذه النفس الملوله
أو
أنهم من الابناء الذي يأخذون راحتهم الكامله في إالاجازه سواء في اوقات النوم وطول سعات السهر (( بالعامي مهيصين ع الاخر ))
وهذا يصعب تعويدهم ع الانضباط المدرسي وبرنامج العام الدراسي
على كل حال لازم تعملولهم حفلات مصغره داخل المنزل ووعدهم بجوائز اسبوعيه ولتكن غير مكلفه حتى تقفز فيهم الهمه
ملاحظه : أساتذه زمان ماذا صنعو وسوء معاملتهم ماذا أخرجتـ لنا ؟ أنظر إلى شعب التدريس نفسياتـ في نفسياتـ !!
الله الموفق