حديت سيفي

[خالد الهذلي]

حديت سيفي والحزام حزامي

سيفا يقص الحم ثم العضما

ومحشمه ياصل رقاب البهما

الي تذكيها العرب قدامي


النو يرزم فاليمن والشامي

يهل النخل سوقوه قبلا يضما

واليا ضمي يلحق جناه الذما

مايعجب الشراي والسوامي

 

[حماس]

ونعم يابن مغبش وصح لسانك

 

[أبو رديد]

كفو يابن مغبش



صح لسانك ياذيب

 

[شباب]

يابن مغبش توطيرك حامي
نلقاك من يم الرجز والنظما
واسمك معانا من خيار الاسما
واحنا معاك نسج بالأقدامي



من يعرف الظالم من الظلامي
في داخل الميدان شفته يحمى
لكن من يتبع سراب الوهما
ماهو مسندها على الحكامي

 

[خالد الهذلي]

ههههههههه طيب طيب ياشباب عشت والله يابن العم


شباب لو يصدر قرارا سامي

ماشفت عوران البلد والصما

الي تدرق لاتشاف بكما

وتخاف من رميه تجي من رامي

المحرم الي ضيع الاحرامي

راسه من الامواس قامت تدما

وباقي عليه يقرب ام الشحما

ويتوب عن غلطه غلطها العامي

 

[خالد الهذلي]

حماس صح بدنك وبيض الله وجهك

ابو رديد صح بدنك وياهلا بك ياغالي

 

[رايد الياسي]

ابن مغبش , شباب

صحت الالسن وبيض الله وجيهكم

 

[شباب]

والله لو يحكم بنا صدامي
تلقى الحرم ممكن يجيه الهدما
تصبح حكايتنا شعار ووسما
واللي تغني للعباد ( أنغامي )

ربعك طلوح وديننا اسلامي
مانقبل الهندوس والا البرما
لكن في الملعب غديت المرمى
واللي مسجل في شباكك (سامي )

 

[خالد الهذلي]

الي بنا ماهو كما الهدامي

ياكم شجيع صد دون الجما

واقرا من الفرقان ولا عما

وتحصل التفسير والاحكامي

انا تراني فالمنيف السامي

والي يجيني في المنيف استسما

ويحصل التقدير دونه قسما

يشقى به النقاد والوامي

 

[خالد الهذلي]

ابن مغبش , شباب

صحت الالسن وبيض الله وجيهكم

صح بدنك ياقرناس بني ياس والله يبيض وجهك يابن العم

 

[خالد الهذلي]

بيض الله وجهك ياشباب شاعر مافيك حيله الخاتمه عندك يابن العم

ولنا لقاء اخر ان شاء الله ,,

 

[شباب]

لاوالله الا عودت اعدامي
مافيه فكة من يفك الرخما
من حقه التصفيق والا اللزما
واللي يسوي صورته رسامي

الجزل فالميقاف شبه الزامي
وانا نظمت من الجواهر نظما
أتعبت لحيك من حبوب القضما
وانت على جال الغدير وظامي

 

[شباب]

حياك يابن مغبش الجزل دوما بارك الله في ايامك ولياليك

 

[حامد السالمي]

صحت الألسن شعراءنا الكرام ابن مغبش ، شباب وللمعلومية زرت محاورتكما قبل الرجز : )

 

[شباب]

حامد السالمي سواء ً في الرجز والا المحاورة حنا نحيي المنتدى الهذلي بفنون اجدادنا الراقية والتراثية

 

[انصاف قلم]

صحه الالسنه

ولاهنتوو

 

[abogehad]

سلام لهل القاف والحضار

تسليم صافي ماعليه غبار

يطرب نفوسا للقا طربانه
شباب وابن مغبش الحجار

.................................

أنا عزاتي تحكم ألأشوار

يوم المقبس والثميدي ثار

تذري الدخيل وتزبنه مزبانه

وترد كيد العايل الجبار

..................................



وسلامتكم

 

[خذ وعطي]

الله الله صحت السنتكم جميعا

رجز جميل من الجميع .. لاهنت يابن مغبش

 

[شباب]

يامرحبا والطيب باستمرار
والا المطر ياصاحبي مدرار
بعد الرعد يوم الرعد فأمزانه
واسقى جميع الارض والاشجار

انا عزاتي فالشدايد نار
ياويل من قرب من الاحرار
والمعتدي ماينفعه شيطانه
واهل اللوازم فاللزوم كبار

 

[شباب]

انصاف قلم الله يحييك ويسعدك ربي

خذ وعطي الله يحييك ويبارك فيك

الزيداني جاك الرد وياهلابك