حدايا اجتماعيه

[سامر البلادي الحربي]

مساء الخير :
حاب اسمعكم الجديد وهيا حدايا اجتماعيه بسبب
الانتخابات بعض الاشخاص لم يشارك في التصويت
بسبب او بأخر.
المهم انا احد الفائزين الاربعه في محافظة رابغ
والحمد لله.


الحدايا تقول


ســـلام والدنيا رحــــاها دار وادرج حبـها
فوق الرجــال اللي مواقيف الرجـال تكبها
والناس ما ترجي بعضها ترتجي من ربها
واللي تجمّل مع ربوعه يبشر برد الجمـيل


النـــار شبت مير ما ندري من اللي شبها
لين اصبحت في كل ديـــره الهبوب تقبها
واليــــــوم علتها كبيره من يحضر طبها
مدام وان الطب يالاجواد مابه مستحيــــل


و سلامتكم

 

[حفيدةابوعادل]

جميييييل مشكوور اخوي

 

[حامد السالمي]

مبروك الترشح والله يوفقك لخدمة الوطن والمواطنين ، وبيض الله وجهك وصح لسانك ،،،

 

[عمر العميري]

الف مبرووووووووك الترشح وبالتوفيق إن شاء الله

وصح لسانك حدايه رائعه

تحياتي اخي سامر

 

[رايد الياسي]

صح لسانك ومبروك الترشح وان شاء الله انك تخدم الجميع

 

[شباب]

استلم يالبلادي لاهنت


يامرحبا بك يالبلادي دلتك قم صبها
هات الخبر في منتدى قوم ٍ مانرضى سبها
عزاتي الهذلان في ساس العلوم ولبها
والله يخلي فالوطن من كانت ربوعه هذيل

مبروك ترشيحك وللصعبات قوم تنبها
لبي مطاليب المواطن يالسنافي لبها
واليا رقيتم فالمشاريف العظيمة ذبها
شرفت حرب ارحامنا اللي فالمواقف ماتميل

 

[سامر البلادي الحربي]

استلم طال عمرك من البلادي :

دام البقى تسلم يمينك فالجزيل اكتبها
و المفرده حذراك يابن الناس لا تلعبها
وارحامنا الهذلان من فوق الخشوم نحبها
والحمد لله بيننا القانون و المد الجزيل

انا سوات الذيب في رووس الجبال اقنبها
والا السهول اللي على بالك قسم ما طبها
لاكن شياطينك عليك الله قـــــوّم و هـــبها
وانته من اللي يعرفون الدرب ما تبغى دليل

 

[سامر البلادي الحربي]

الشكر الجزيل للجميع
اسعدني المرور
تحياتي

 

[شباب]

حنا نصون المفردة في رفع والا نصبها
والا الصحاري ياطويل العمر صدنا ضبها
والبندق ام احد اعش يابن الناس من صوّب بها
قصة قديمة تنروي في القوم جيلا ً بعد جيل

انا محايد في طريقي والعصاه اضرب بها
واليالقيت خصومنا والله ماننشب بها
لكن بعض الناس فالميدان زايد رعبها
والله يوفق كل طيب في صبح والافليل

 

[سحاب]

مبارك الترشيح والله يوفقك ويعينك لتحمل هذه المسؤولية.

 

[سامر البلادي الحربي]

اسمع كلامي واللحون اللي تبى تطربها
هذي علومي وانت يم الربع رح علمبها
حنا محـــــــاربة الدول لابد ما تسمعبها
والبندق اللي قلتـــــها ما عقبت ولا قتيل

ياللي تهدد بالعصا والله لتشكي غبــــــــــها
لاكن خذ مني نصيحه والعصايه خبـــــــــها
تراء النبي يوسف رموبه في غياهب جبها
اخوانه اللي يظلمون الذيب في وقت المقيل


ولكم حبي و تقديري
اتمنى من الاخ العزيز اخذ مجالي من الاخ صلاح وارد المطرفي
لتواصل اكثر.

 

[انصاف قلم]

الف الف الف مبروووووك الترشيح

وصح لسانك ولاهنت

 

[شباب]

ان كان حاربت الدول لابد ماتتعب بها
يمكن يجيكم أمن واشنطن ويسجنكم بها
لاكن مانخشى العجم مادام ابومتعب بها
عاش الملك ساوى القبايل لاكثير ولاقليل

ان كان عادت للفخر ياهل البلاد وشعبها
انا افتخر في راية ٍ خضرا تشابه عشبها
لكن يوسف قصته سورة ونقرا حزبها
وهذيل تفدى حرب في يوام المواجه بالصقيل

 

[مشعل المعبدي]

أولاا مبرووك أخوي ساااامر ونت كفوو وصح لسااااانك على الحدااايه الجميله ولساان شباب على الرد

 

[سامر البلادي الحربي]

بيض الله وجهك اخوي شباب و عز الله انك من الشعراء
المتميزين لك خالص الحب و التقدير
والله يبارك فيك يا مشعل المعبدي ويطول عمرك اخوي و ابن عمي العزيز

 

[شباب]

سامر البلادي الله يحييك ويبارك فيك مافيك حيلة وتشرفت بالرد على هامة شعرية من حرب العريقة

والشكر موصول لكل من تابع وشرفنا بمروره