حضر ياحماس

[الحميا]

بسم الله الرحمن الرحيم
اهلا وسهلا بكم جميعاً
هنا القاف الرمز
وجاوب ياحماس​

مرحبا والقصر بانينه على ساس ووثاقهمحتمينه باالرجال ومحتمينه باالذخاير

ياحماس القاف قاف ولا تضيعك الحماقهثم اردك ياحماس في صف عميان البصاير

 

[شباب]

ياسلام يالحميا متابع والقهوة على يميني واصلوا وبانتظار النجم حماس

 

[الحميا]

ياسلام يالحميا متابع والقهوة على يميني واصلوا وبانتظار النجم حماس

كفو ياشباب
ومتابعتك تعني الفخر والاعتزاز
تحياتي​

 

[حماس]

وعليكم السلام والرحمة

الله الله يا ابو وافي

بدعة قمة في الابداع

يجيك الجواب

 

[عبدالرحمن مساعد]

الحميا * حماس
.
.

صحت السنتكم مقدما..
.
.
وسجلوني متابع للمحاوره..
ولو بعد حين..
.
.
احترااامي​

 

[الحميا]

وعليكم السلام والرحمة

الله الله يا ابو وافي

بدعة قمة في الابداع

يجيك الجواب

الله يحييك ياحماس
شهادتك تعني الابداع​

 

[حماس]

اسمع

البقا والساس طيب ما نعذرب فـ الرفاقة .. لو علا الابواب قفل؛ الريح مجهاها مغاير​

ياقف التاريخ عندي ما تعدّانـي نـطاقه .. وانت لن ما زان سوقك لا تحمِّلني خساير​

 

[حماس]

مرحبا يا شباب ومرحبا يا عبدالرحمن

الله يحييكم

 

[حماس]

تعديل بسيط، البقا بدل مرحبا

 

[الحميا]

الحميا * حماس
.
.​

صحت السنتكم مقدما..
.
.
وسجلوني متابع للمحاوره..
ولو بعد حين..
.
.

احترااامي​

الله يحييك يابن مساعد
اعتز بمتابعتك
تحياتي​

 

[حماس]

الليل يا خضر

 

[الحميا]

خلوووووووووووووووووها​

بيني وبينك علاقه وانت قاطع للعلاقهوان تعدتك القبايل لا تعداك العشاير

ياحماس الباب قدمك وانت متعلق في طاقهليش غيرت السلوم؟ وليش غيرت السواير؟

 

[نمط مخفي]

متابع بصمت

كفو والله يعطيكم العافية والصحة

يبدو ان المعنى شخصي بين الطرفين ​

 

[انصاف قلم]

صحه الالسن

 

[حماس]

طيب طيب
​

مال حمل الثلب في الميراد والجمّال ساقه .. من يعدل حمله المايل ونعطيه البشاير

أنت مطلق والعرب ما عاد تبغى لك طلاقة .. فرد حمزة مثل ما قال المثل يا خضر ثاير​

 

[حماس]

الله يعافيك يا نمط مخفي

 

[الحميا]

خلووووووووووووووها​

تدري وش طور جهينه عندها حاشي وناقهولي ولي يالي يالي فوقها دارة دواير

وانت مصلح والعرب ماعاد يبغون الحذاقهوالشراكه قدرها لو تجتهد ماهو بفاير

 

[حماس]

ههههههههههه

 

[الحميا]

متابع بصمت ​

كفو والله يعطيكم العافية والصحة ​

يبدو ان المعنى شخصي بين الطرفين ​

الله يحييك
شرفت​

 

[حامد السالمي]

مساء الخير للعزيز الحميا والغالي حماس وصحت الألسن وبارك الله فيكم.
ومتابعون ومستمتعون ،،،