سلطان مات وكل أبونا فقدناه

[شباب]

سلطان مات وكل أبونا فقدناه
مات الأمير اللي مع الناس غالي
ياماعطا شعبه وزوّد عطاياه
ظل الفقير اللي من الشمس صالي
كفه بحر محد ٍ قطع منتهى ماه
خيره يصل يم اليمن والشمالي
والله رافع منزله يوم علاه
بأخلاقه يحوز العلا والمعالي
حنا بشر والله في موته بكيناه
والدمع تلو الدمع جاه اتصالي
ماأظن مثله فالمخاليق نلقاه
دايم يمين الخير فوق الشمالي
تعبير ود اللي معاكم كتبناه
شرّف قصيدي وأصبح الشعر عالي
هذاك أبوخالد وياطيب مجناه
ومعرّب الجدين عم وخوالي
يالله عسى في جنة الخلد مثواه
يغفر ذنوبه خالقي ذو الجلالي

 

[أبو رديد]

رحمه الله تعالى



بارك الله فيك

 

[حامد السالمي]

رحم الله الفقيد وصح لسانك جسدت المشاعر وصغتها شعرا وهي مشاعرنا جميعا ولا نملك سوى الدعاء بأن يتغمده الله بواسع رحمته وفضله
تقبل مروري وتقديري ،،،

 

[شباب]

أبورديد الله يحييك ويسلمك ياهلا وغلا والله ويعطيك الف عافية

حامد السالمي الله يبارك في ايامك ولياليك شرفتنا بتواجدك الجميل والمشرف

 

[عاشق جبال الكر]

يرحمك الله يا سلطان الخير

الى جنات الخلد باذن الله تعالى

انا لله وانا اليه راجعون

 

[رايد الياسي]

الله يرحمك يابو خالد


صح لسانك ياشباب

 

[شباب]

عاشق جبال الكر الله يحييك ويسلمك ويبارك فيك

قرناس بني ياس الله يحييك ويسلمك شرفتنا يالقرم

 

[انصاف قلم]

الله يرحمكـ يا سلطان الخير
اليوم عزانا فيكـ و حزن الدوله عليكـ
ياوالدي عبدلله عظم الله أجركـ
وترى شعبكـ يبكي حزن لفراق غاليك

 

[عباد الهذلي]

رحمك الله ياسلطـآن وغفر لكـ

شبآب صح لسانكـ يالغلآ

 

[شباب]

انصاف قلم ياهلا وغلا ومرحبا الله يبارك في ايامك ولياليك

عباد الهذلي سهمنا الملتهب حييت ايها الهذلي الاصيل النبيل الشهم

 

[السلطان المطرفي]

رحمك الله يابو خالد
واسكنك فسيح جناته

وصح لسااانك​

 

[نمط غريب]

مرحوم ياسيدي سلطان
صح لسانك

 

[شباب]

السلطان المطرفي الله يحييك يالنشمي وشرفتنا بمرورك الراقي والمشرف

نمط غريب الله يبارك فيك ويحييك شرفتنا بمرورك الراقي والمشرف