عشر زهرات من الارشيف

[صلاح وارد المطرفي]

ارتاح يامشغل افكاري=مهما حصل مستحيل انساك​

الخط مرسوم وجباري=وخطاي فالدرب فوق خطاك​

****
ارتحت وامسى الامر عادي=وبثي بدا يقبل البسمات​

ودنت وراء الضلع من غادي=سحايب الهم واللوعات
****
ودك تلاشى من اعماقي=وقام يتلاشى من الشريان ​

حتــى تعذرك خفاقـي=وجــازاك فــالصد بالنسيــان​

****
ياما تضاهرت له اني=سالي ومرتاح لاجل ارضيه​

واليوم بعد اغتنى عني=ماعاد ذاك الشقي يعنيه
****
ياكم تبادر الى ذهني=اجيه رغم الجفى وارضيه​

عازم على الوصل لاكني=اخشى صدوده لمن يغليه
****
بين الاسى والدموع وبين=تشتيت الافكار والحيره​

جالي سنه ماغفت لي عين=ولليوم مانفضت السيره
****
اعاتبه لين يرضيني=ويصد بعد العتب وارضيه​

ضيعت فعتابه سنيني=كيف اعذل القلب عن طاريه
****
شاهد عيان الاسى بكاه= اللي حصلي من اسبابك​

ان كان يرضيك حضرناه=يوصف لك الحال فغيابك
****
دكتور من جامعات الطب=حاز الشهادات بكملها​

حاول وقلي علاجك صعب=شفرتك فالود نجهلها
****
بعد الالم عن فؤادي راح=وراحت معه جملة احزاني​

صدفه تفاجئت بالجراح=واحيا جروح الزمن ثاني
****
تحياتي للجميع​

 

[شباب]

لقد استنشقنا عبير زهراتك من بستانك الفوّاح بالعطور

صح لسانك وكلك يالمطرفي

 

[صلاح وارد المطرفي]

صح بدنك يا اخي شباب وكل عام وانت بخير

 

[عمر العميري]

صح لسانك ياصلاح


رااااااااااااااااااااااااااااائعه



لله درك



تحياتي

 

[صلاح وارد المطرفي]

صح بدنك يابن عادي وكل عام وانت بخير

 

[انصاف قلم]

صح لسانك ولاعدمناك

تحياتي وتقديري

 

[صلاح وارد المطرفي]

اشكرك اخي انصاف قلم على مرورك