مشعل المعبدي تفضل لاهنت

[خالد الهذلي]

السلام عليكم ورحمة الله وبركاته

الله يحييك يامشعل المعبدي واستلم طال عمرك


وطيت راس الداب والعقرب = واخذت طمعة ناس طماعه

يلي تقاويني ولاتقوا = الوقت فيه المر والحالي

لقيت رشيد يوم العيدعداالبيد يبغى الفيد ميرالنار مشبوبه = عليه اسيوفنا واحرابنا وارماحنا قامت تعاقب واسر ياساري

الله يديم الغاز والكهرب = ولا يجييك الخوف بانواعه

اسلو مادام الوقت بها سلوا = الوقت فيه المر والحالي

بعدها ماعلينا لو سلينا وان نسينا كل علم نسد ماجوبه = ليا منا نوينا بالمحاسب مانجامل في المحاسب واسر ياساري

 

[أبو رديد]

الله الله

بدعة فوق المعقول

صح لسانك يابن مغبش

شااااااااعر كبير

وبانتظار شاعرنا مشعل

 

[مشعل المعبدي]

أنته تحسبن أنا معك ننشب=ماهم ظلع البدو وسباعه
حنا رجال(ن) فالبلد نسوا=الوقت فيه المر والحالي
لقيت رشيد اله جره شريفه عندكم بين العرب فالعد محسوبه=بعد شد الحمل فوق الجمل وقفا على يد المكاتب وسر ياساري

أخذو هذيل القوم بك مقلب=يلي وصلك السم في ساعه
الوقت مابه مزح مع تكوا=الوقت فيه المر والحالي
ليا دار الرحا والنار شبت فالمواقف ماسلم راع الخطر ثوبه=ليا منك بغيت الشور عن درب الخطر والحرب جانب وسر ياساري

وعليكم السلام ورحمة الله وبركاته والله يبقيك والله يخارجني منك انت وطوااااريقك

 

[خالد الهذلي]

الله الله

بدعة فوق المعقول

صح لسانك يابن مغبش

شااااااااعر كبير

وبانتظار شاعرنا مشعل

صح لسااانك يابو رديد

وبيض الله وجهك ياراعي الماقف والحميا

تحياتي وتقديري لك يالنشمي ,,

 

[خالد الهذلي]

مالوم راعي الذود وان غرب = شجيع لكن طاحت ذراعه

واليا تهقوا نخلف الهقوا = الوقت فيه المر والحالي

قفرنا جرته بين البوادي والبوادي كلها تسحب بعرقوبه == نسي وان الحقوق البينه من دونها جاه المطالب واسر ياساري


انته نسيت الزاد والمشرب == والبرد جاك وهب ذعذاعه

مرسولكم ياهيه وش ضوا === الوقت فيه المر والحالي

قبور اخصامنا من عام الاول جاهزه ومجهزه لو قالت التوبه == لكن انته بعد هذي تخاير ثم تشاور ثم تصاحب واسر ياساري

 

[شباب]

ياسلام عليكم وصحت الالسن والقلوب

 

[خالد الهذلي]

ياسلام عليكم وصحت الالسن والقلوب

مرحبا والله ياشباب صح بدنك يالنشمي وياهلا بك ,,

 

[خالد الهذلي]

اخوي مشعل انا طالع مشوار وارجع بعد العشا ان شاء الله ,,

 

[مشعل المعبدي]

الخير جاكم ياعرب منصب=من جم عد(ن)ماعرف قاعه
أنا وردت الجم ونت أروا=الوقت فيه المر والحالي
وعلمي يالهذيلي لاتغط العلم كلن يعرف الي داخل جيوبه=تجرب شخص ومجرب على سود الليالي وتجارب وسر ياساري

ماننكر الطيب ولا المذهب=لوهوشة(ن) من غير فراعه
مرسولنا ضوا لكم بلوا=الوقت فيه المر والحالي
تهدد ماتهدد يالهذيلي دلتك فنجالها ياعنك مشروبه=تحاول مير ماتقدر حرابي فاللقا حربي محارب وسر ياساري

 

[خالد الهذلي]

صح لسااانك يامشعل المعبدي

مااقصرت يالنشمي ولنا لقاؤ اخر ان شاء الله ,,

 

[مشعل المعبدي]

صح بدنك يبن مغبش وبيض الله وجهك وصح لسااااانك يبو رديد ولسااان شبااااااب

 

[أبو رديد]

صحت الألسن


أبدعتم شعارنا

ابن مغبش
مشعل المعبدي

لاهنتم

 

[انصاف قلم]

صحة الالسن

ولاهنتم

تحياتي

 

[abogehad]

صحت ألألسن يابو محمد والمعبدي

كملوها لاهنتم