محاورتي مع احدى الشاعرات

[شباب]

هذه المحاورة في احد المواقع مع شاعرة من قطر وكانت بمناسبة العيد واسمها المستعار (جنون الصمت )





شباب



سلام الله بردية جنونية
وبيت العز نفتح كل بيبانه
انا بهدي جنون الصمت عيدية
عساها تالي الايام فرحانة



جنون الصمت


هــــــــــلا يــامـــرحـــبـــاً والـــــقــــــرم يـــاحــــيــــه
وبـــيــــت الـــعــــز شـــامــــخ فـــــــوق سـيــســانــه
تـــهـــانـــيـــنـــا بـــــــذعــــــــذاع الـــشـــمـــالـــيــــه
تـــســـوق الــطــيــب لأهــــــل الـــقـــاف والــحــانــه


شباب


يدوم الك البقا والروح محمية
وراعي العرف يكرم كل ضيفانه
انا ماابغى المعاني منك مخفية
نصيحة لك من الوافي وقيفانه




جنون الصمت


عــــلــــى قــــــــول الــمـــثـــل والــنـــيـــه الــنـــيـــه
ولانــخـــشـــى ســــــــوى الــمــعــبــود ســبــحــانـــه
هــــجــــوس الــشـــعـــر مــاتــنــســـاق عـــفـــويـــه
ولابـــــــــه عــــــــــود يـــشـــعــــل دون نـــيـــرانــــه


شباب


جنون الصمت تهرج دون أمارية
وأنا رجال لكن ماقضى شانه
مااقابل مدة الحسنات بالسية
لكن دنيا القشر ياناس خوّانة



جنون الصمت



عـــلــــى مـــــــا أظـــــــن إجــابـــاتـــك ســيــاســيــه
وبــــيــــت الــشـــعـــر مـــــــــا ثــــبّـــــتّ بــنــيــانـــه
اصـــــــــوغ الــــقـــــاف والــحــكــمـــه يــمــانـــيـــه
وفــــــــي ســــاحــــة الادب مــــانـــــي ببلشانة


شباب

جزالتنا على الماقف ضرورية
مثل صرف الذهب في البنك وخزانة
انا مااقطع اشارات ٍ مرورية
لكنك حزة الميقاف حيرانة



جنون الصمت


أنـــــــــا مـــحـــتـــاج كـــلـــمـــات"ن" دعـــائـــيــــه
عـــــــــــــدود الــفــكــربــالـــجـــزلات مـــلـــيــــانــــه
نــخــلـــي ؟ الــخـــصـــم يــنـــظـــم كــــــــل مــرثـــيـــه
عـــــلـــــى مــســتــقــبــل ابـــيـــاتــــه بـــديــــوانــــه



شباب


انا باروح في رحلة سياحية
الى الدوحة واشوف الجو واوطانه
انا مرتاح في ارض السعودية
ومن هاجر ماينفع معه هجرانه



جنون الصمت

مــــافيه اخــــــــــلاف دام انـــــهـــــا خــلــيــجــيــه
ولابـــــه فـــــرق فــــــي شـــعـــب"ن"وف ديـــانـــه
لــكـــن صـــــدر الــوطـــن عـــطـــف"ن" وحــنــيــه
عــــســــى الله يــحــفــظـــه ويــــعـــــزّ ســلــطــانـــه



شباب


ترى حنا رجال ٍ ساعة الهية
نذوّق خصمنا بالمر والوانه
ترى بعض النسا تستاهل الكية
وبعض الناس ودك تقطع لسانه

 

[abogehad]

شبااااااب

وش هو شانك إلي ماقضيته يابن العم

لكن واضح إنها واثقه من نفسها

أنـــــــــا مـــحـــتـــاج كـــلـــمـــات"ن" دعـــائـــيــــه
عـــــــــــــدود الــفــكــربــالـــجـــزلات مـــلـــيــــانــــه
نخلي الــخـــصـــم يــنـــظـــم كــــــــل مــرثـــيـــه
عـــــلـــــى مــســتــقــبــل ابـــيـــاتـ ـــه بـــديــــوانــــه

صحت الألس يالحبيب

 

[سلطان السويهري]

يدوم الك البقا والروح محمية
وراعي العرف يكرم كل ضيفانه
انا ماابغى المعاني منك مخفية
نصيحة لك من الوافي وقيفانه

صح لسانك أخوي شباب وماهي غريبه ها الكلمات التي تسطع بقوة الكلمة

وجنون الصمت شاعرة فعلا وأهل القطر ذولي مصايب

 

[كفيل العرب]

شباب


انا باروح في رحلة سياحية
الى الدوحة واشوف الجو واوطانه
انا مرتاح في ارض السعودية
ومن هاجر ماينفع معه هجرانه



صح السانك شاعر ما منك حيله

 

[شباب]

رزق الله الزيداني عز الله منت عبء على موضوعي لكن ركز من اول ويبان شاني اللي ماقضيته في قاف عبر النت .؟؟بارك الله فيك يالحبيب

 

[شباب]

سلطان السويهري حياك الله والله كلامك اعتز به وشكرا لك

واهل قطر مصايب وهي تسكن قطر ومن عائلة العبيدي من السعودية

( ومن هاجر ماينفع معه هجرانه ) هاجرت الى قطر

 

[شباب]

كفيل العرب عاش من شافك وحياك الله ومرحبا وهلا وغلا

 

[الحميا]

صحة الالسن
تحياتي لكما
​

 

[عز الرفيق]

صح لسانك يا شباب مبدع و انا اشهد ، و القطرية شاعرة ماشاء الله عليها

 

[أبو رديد]

شباب

صح لسانك يالنشمي

محاورة قوية

 

[مشعل المعبدي]

صح لساااااااانك يا شبااااااب ولسااااااااان القطريه

 

[عقيلي من هذيل]

صح لسانك ياشباب وصح لسان الشاعره

محاوره رائعه

ترى بعض النسا تستاهل الكية
وبعض الناس ودك تقطع لسانه


ههههه

صـ فكرك ـح

اطيب التحايا​

 

[شباب]

الحميا عز الرفيق ابورديد مشعل المعبدي عقيلي من هذيل

والله الساعة المباركة اللي جمعت الرياجيل الغانمة في متصفحي الله يحييكم ويبارك فيكم ووفقكم الله لما يحب ويرضى امين يارب

 

[انصاف قلم]

صحه الالسنه

ولاعدمناك يالغلا

تحياتي لكـ

 

[شباب]

انصاف قلم الله يحييك ويبارك فيك ويعطيك الف عافية

 

[حماس]

صح لسانك يا شباب

محاورة العنصر النسائي صعبة ومع ذلك أبدعتما

 

[حسن مضيف الطلحي]

محاوره جيده تجلت فيها مقدرت الشاعره جنون الصمت بشكل واضح
شباب

انا باروح في رحلة سياحية
الى الدوحة واشوف الجو واوطانه
انا مرتاح في ارض السعودية
ومن هاجر ماينفع معه هجرانه

الاخ شباب انا كشاعر محاوره احترت امام هذا التناقض والتخبط الواضح
ــــــــــــ
ولنحق الحق لابد من ذكر جماليات ابيات الشاعره
ومنها هذا البيت

نــخــلـــي ؟ الــخـــصـــم يــنـــظـــم كــــــــل مــرثـــيـــه
عـــــلـــــى مــســتــقــبــل ابـــيـــاتــــه بـــديــــوانــــه

ودي وتقديري
​

 

[شباب]

حماس الله يحييك ويبارك فيك الله يسلمك

الطلحي التخبط والتناقض في مرورك اللي كشف عن مدى قصر فهمك ومن انت حتى تنتقدني

انا ماودي اكشف القصد ولكني تعمدت احراج الشاعرة بطرح فكرة السفر الى الدوحة لمقابلتها

واوضحت اني مرتاح ليش انظم مرثية على مستقبلي

واوضحت انها سعودية هاجرت الى الدوحة ولن ينفع هذا الهجران وقد اجبت على المعنى

بعدين كيف انت شاعر محاورة ولاشفنالك ولاشطر الشاعر مايقول انا شاعر

بعدين انت طلحي ترى ربعك الطلحات اكثر من شهد لي بالشعر وقول الحقيقة

 

[مساعد الهذلي]

صح لسانك شاعرنا شباب ..

وصح لسان الشاعره القطريه ..

 

[شباب]

​

طبعا ً احد المشرفين في موقع ثاني نسج على منوال المحاورة وقال واسمه البدر








( عميد ) الشعر يابدر العزيزية

[font=&quot]ترى فن الشِّعر بِــيــديك عِمدانه[/font]​

[font=&quot]قسمْ باللهْ عليك ابيات سحرية[/font]​

[font=&quot]( جنون الصمت ) صارتْ منْـكْ غَيْرانة[/font]​

[font=&quot]تِفنَّـنْ وامدح البنت الحجازية[/font]​

[font=&quot]تراها ذوق . وياقوتة . ومُرجانة[/font]​

[font=&quot]تِفنَّـنْ وامدح البنت الجنوبية[/font]​

[font=&quot]فديت اعيونها ياناس ذبلانة[/font]​

[font=&quot]تِفنَّـنْ وامدح البنت الشمالية[/font]​

[font=&quot]يازين الخد اذا هي حيل خجلانة[/font]​

[font=&quot]تِفنَّـنْ وانْ بغيت (الحُوُر) : نجدية[/font]​

[font=&quot]تناديك : ( إقترب ) بالحيل بردانة[/font]​

[font=&quot]واذا قلبك عشق لهْ بنت شرقية[/font]​

[font=&quot]تراها بالعسل والشهْدْ رَوْياانة[/font]​

[font=&quot]وِمن يغلط على بنت السعودية[/font]​

[font=&quot]حرقْــتهْ بالشِّعر واشعلْــتْ نيرانه[/font]​

[font=&quot]ومِنْ يِـزْعَـلْ عسى تغشاه جنيَّــة[/font]​

[font=&quot]ومِنْ يِزْعَـلْ عسى تِرْضيه جِـدْرانه[/font]​

[font=&quot]ولا تِهِمَّــك أقاويل الحســـوديَّــة[/font]​

[font=&quot]ولا يهمَّك فَرَحْ مِنْ غادر اوْطانه[/font]​

[font=&quot]فديت المملكة واعلى الشَّرَفْ لِـيَّـه[/font]​

[font=&quot]فديت ارض الحرم وتراب قِـيعانه[/font]​

[font=&quot]فديت امي وابي وعيون بِـنْــتَــيَّه[/font]​

[font=&quot]فديت اللي حضنَّـي داخل اعيانه[/font]​

[font=&quot]فديت احمد رسول اللهْ بِــعينــيَّـه[/font]​

[font=&quot]فديت ارضه و ( طَـيْـبَـة ) حيثْ جِـثْـمانَـه[/font]​

[font=&quot]طبعا رديت على المشرف وقلت [/font]​

[font=&quot]هذي والله سواليف انتحارية[/font]​

[font=&quot]ياشمس الصبح ليش الناس سكرانة [/font]​

[font=&quot]انا مااغلط وركز في معانيه[/font]​

[font=&quot]دخلت الروض الاخضر شوف بستانه[/font]​

[font=&quot]فتحت عيادة ٍ للشعر طبية [/font]​

[font=&quot]طبيب مهندس ٍ ولسانه حصانه[/font]​

[font=&quot]لكن البدر له نيات ملوية [/font]​

[font=&quot]واظن الرجل مايكشخ بفستانه[/font]​

[font=&quot]جميع ارض الوطن عندي سواسية [/font]​

[font=&quot]لكن انت تحرّج مالها خانة [/font]​

[font=&quot]انا مااقبل تفاكير الحرامية[/font]​

[font=&quot]ولابه خير من هو شب دخانه[/font]​

[font=&quot]لكن امدح في قيفانك مريكية[/font]​

[font=&quot]ترى واشنطن وتكساس سهرانة[/font]​

[font=&quot]ماادور في جمالك ياالاوربية[/font]​

[font=&quot]انا مااداني الكافر وصلبانه[/font]​

[font=&quot]ولادورت في قافي لمصرية [/font]​

[font=&quot]ترى فيفي تهز الوسط يافلانة[/font]​

[font=&quot]ترى حنا لنا جاه ٍ وجاهية [/font]​

[font=&quot]ومن عاند نبى نكحل له اعيانه[/font]​

[font=&quot]تجيك ردود فالصفحات فورية[/font]​

[font=&quot]وانا والله لاعالج كل غلطانه[/font]​

[font=&quot]ياليتك تجعل الافكار سرية [/font]​

[font=&quot]ومن يهرج يبيّن سر نقصانه[/font]​

[font=&quot]اله الكون جنبنا الحسودية [/font]​

[font=&quot]عسى يوم القيامة ندخل جنانه[/font]​

[font=&quot]صلاة الله على محمد وداعية[/font]​

[font=&quot]عدد مايثمر البستان باغصانه [/font]​