حماس مطلوب

[شباب]

هلا يامرحبا ترحيبة ٍ تربش ولاتربش

واشوف الارض قدم العين بالازهار مفروشة

حماس مزهّب البندق حماس يغيب ويوشوش

وحنا اللي ذبحنا التركي الاحمر وطربوشه

 

[شباب]

حماس والله مدري عن وقت تواجدك لكن يشرفنا تواصلك وتواصل الشعراء في القسم

 

[حماس]

هلا يامرحبا ترحيبة ٍ تربش ولاتربش

واشوف الارض قدم العين بالازهار مفروشة

حماس مزهّب البندق حماس يغيب ويوشوش

وحنا اللي ذبحنا التركي الاحمر وطربوشه

يدوم الك البقا يا اللي كما ريح الصبا منعش
يطير الطير ويوقع ما دام الارض مرشوشة

ترى اللي حشّ شبّاب -العصر- لا بد ما ينحشّ
معك علم وخبر والا تدشّ أبواب مدشوشة ؟

 

[شباب]

عسى ربي يبارك فيك وانته مالفيت ب غش

وبعض الناس لما رحت قام يقلّب رموشه

ترى طير السما من مخلبه ياصاحبي يبطش

وانا لو الزم المذكور ابى اشده من الشوشة

 

[حماس]

شباب ترى حاولت أرد على رسالتك اللي في الخاص لكن صندوق الرسائل عندك ممتلئ

المهم ما حصل الا خير وتراك أبيض وجه

 

[شباب]

خلاص حذفت الرسايل ومشكور

 

[فهد الصماني]

صح ــآلله ألسنتكــــم وـآصلوـآ موفقيــن ../ متـأآبع ،

 

[حماس]

عسى ربي يبارك فيك وانته مالفيت ب غش

وبعض الناس لما رحت قام يقلّب رموشه

ترى طير السما من مخلبه ياصاحبي يبطش

وانا لو الزم المذكور ابى اجرجره بالشوشة

يقول الاكلبي ما دام تمشي في سنعها مَشّ
يبى يشقى ويلقى ما لقي فرعون وجيوشه

معا بنت الهوى لونين لو ما شافها الاطمش
كحلنا عينها وتغطـرست والكف منقوشة

 

[مشعل المعبدي]

صحت السنتكم جميع

 

[حماس]

صحت أبدانكم يا فهد ويا مشعل

 

[شباب]

اظن الاكلبي طاحت سنونه صار عظمه هش
لكن فرعون في مصر العزيزة بادت عروشه


ترى حنا كماكم فوقها بالصارم المدهش
لكن انشد وتلقى اللي وقف في ساعة الهوشة



فهد ومشعل حياكم الله

 

[حماس]

ترى بعض الورق يا صاحبي مغشوش ومخشخش
وبه قبـرين مدفـونة وبه قبـرين منبـوشة

ليا منك هبطت السوق خلّ السوم في المشمش
عسى يعطيك راعي الورد من ورده ومن دوشه

 

[خالد الهذلي]

الله الله

شباب وحماس

صحت الالسن والقلوب

متاابع للابداع ,,

 

[حماس]

صح بدنك يا بن مغبش

وترى نبغى نلعب انا وانته بس بكرة إن أمداك

 

[خالد الهذلي]

مرحبا ياحماااس ياخي الاتصال عندي مااااش

شوفني اعيد المشاركات احسبها ماوصلت كل شوي يفصل

اتشرف والله بالعب معك في اي وقت ياغااالي ,,

 

[شباب]

حماس عز الله كفيت ووفيت لاعدمتك

بن مغبش بارك الله فيك وننتظر قافكم على خير ان شاء الله

 

[سلطان السويهري]

مبدعين وقافية غير مستهلكة

شباب - حماس

ياليت محاورات أطول من كذا

بارك الله فيكما وإلى مزيد من التألق

 

[شباب]

ليا شفت الورق مغشوش لاتتعب ولاتبلش

ترى الماضي رحل مايسعف الرجال شاكوشه

زكاة المال محسوبة في وقت الجهل به عشعش

ورى قمة شُعار تحصلون عظام معروشة


حيالله سلطان السويهري والله تشجيعك يفتح لنا افاق جديدة من المعاني

 

[أبو رديد]

الله الله


صح الالسن

شعار مبدعين وطاروق جميل

متابع

 

[شباب]

حيالله المساعيد ياهلا وغلا متابعتك غالية علينا بصدق