شباب
يامتعب الليلة المعنى على غبّة بحَرنا الغزير
كم من سفينة عليها الموج يصفق راح ربانها
طول المسافة يعشمّني عسى فالامر خيرة وخير
ماني بقابل عذر ياللي تعذر جاك برهانها
متعب العتيبي
سـر السوالـف علـى المعـنـى وحـنـا فالليالي نسـيـر
لوهـو يطيـح العقـال الغتـرة البيـضـا عـلـى شانـهـا
طــول المسـافـه يبـيـن وضعـكـم سـلـيـم والا خـطـيـر
والخـيـل قـــرح تـلاعــب بالـعـنـان بـوســط ميـدانـهـا
شباب
ان كان تبغى الجنان احنا سعوط الجن وانت المدير
لكن ادارتك فشلت مافلحتم غير في اجنانها
الله جمعني بكم ياصاحبي في وسط موقع مطير
العزوة اللي تعز الصاحب وتطغى في عدوانها
متعب العتيبي
لاوالله الا تجمعـتـو عـلـى شــان السـمـن والمضـيـر
وبـكـرة تـشـب الوقـيـده بينـكـم فــي روس ضلعانها
الله جمعـنـا عـلـى عــز ومـعـزه مـيـر لـيــت الامـيــر
يعـطـيـك بـيـتـاً بـوســط الـديــره الــــي زاد سـكـانـهـا
شباب
حنا اجتمعنا على شان الكرامة يوم عمرك صغير
لاتلتفت فالكبار ونطفي الشبّة ونيرانها
خل الامير المفدى ماطلبنا معزة ولابعير
لكن ابعطيه قافي يسمعه ويشوف قيفانها
متعب العتيبي
راحـت سنيـن اجتهـد لصاحـب الفقـران والـلي كسيـر
ويـوم استوت قلـتـو الـدعـوى تبـيـّن رمــز عنوانـهـا
حنـا نعرفـك ليـا دار الرحـاء فالحـرب مالـك خشـيـر
لكــن مــن يخـبـر الــي يـاصـل السلـطـه وسلطانـهـا
شباب
راحت سنينك يامتعب مير ماتقدر معانا تطير
لاحامت صقورنا في الجو تخفق روس جنحانها
فالحرب نهجدك هجدة واحدة يوم الرحا تستدير
والمعركة ياخصيمي ماتقوم الا بفرسانها
متعب العتيبي
لو نذكر اكتوبر الـي قـد مضـى والنـاس جمعـاً غفيـر
مافكـكـم غـيـر يمـنـاي الشجيـعـه واحـفـظ احسـانـهـا
فالحـرب ياكثركـم ميـر الحقيقـه وضعكـم غـيـر غـيـر
تدفعـكـم النـيـة الـســودا عـلــى دربـــي بشيطـانـهـا
شباب
انت ماتفتك نفسك يالعتيبي والبلاوي تصير
لكن مالك فضل ياصاحبي والناس بأيمانها
تاريخنا شع نوره بانتصاراته وربي نصير
والا النوايا نقية ماختلفنا صدق يافلانها
متعب العتيبي
روح انشد الي حظـر فالمعركـه.. يفتيـك رجـلاً خبيـر
يومن بعـض العـرب ندفـع ثميـن الـروح مـن شانهـا
انته في ضـل البعيـر الـي جهـات الغـرب جالـه هديـر
انشهـدنـه دعمـكـم لـيــن صـــان المـعـركـه صـانـهـا
شباب
نشدت ابوية وقال ان السراير كلها جوف بير
ويقول بأن العرب قفت تشيل الموت بأكفانها
اصحك تحدى رياجيل الفعل وهذيل سيف ٍ شطير
يوم الافاعي نغربلها ونكسر جملة اسنانها
التعديل الأخير:
