لغزين من محاوره لعبدالله المسعودي

[أبو عمار]

هذا لغزين من محاوره كانت بين عبدالله المسعودي وصياف الحربي يرحمهم الله


اباسالك ويش رجلن فيه صدق وفيه زله ## مايعدل زلته لين الرجــــــــــــــــال يعدلونه

واباسالك ويش حرن جغمت الظامي تبله ## ان غرق مافيه ثابه ون حرق يقضي ديونه

الله الله عجلو بلحل

 

[عصام الهذلي]

مساء النور طرح شامخ بروعه حضورك الشامخ لاهنت ياغالي...والحل عند الشباب ان شاءلله ....كل الشكر لك

 

[حماس]

الاول يمكن الفاس والله اعلم

والثاني يجي ان شا الله

 

[حاجب]

الاخوان تكفوون فكروا معنا بالحل

 

[صالح الكعبي]

الله الله .. هذي الألغاز المكلفه

شكراً لك يابو عمار .. مازال التفكير جاري !

تحيه طيبه لك ،،،،،

 

[أبو عمار]

وينكم عن الحل الاول والثاني

 

[الحرشني]

عندي حل للالغاز اللي ذكرتها يابو عمار

الاول الميزان

الثاني الحطب

بس عطنا رد صياف الله لايهينك
ومشكور على الابيات النادره

 

[أبو عمار]

مشكور على مرورك يالحرشني مثل ماتفضلت بلحل الاول والثاني ليس صحيحه وا صل ترا ماهو صعب ورد صياف ليس موجود عندي

 

[دسكفري]

اعتقد الاول عداد المحطة محطة البنزين والثاني العود الدخون

 

[خالد الهذلي]

اتوقع ان اللغزيين حلها واحد وهو اللسان

لكن عطنا رد صياف وشكرا لك يابو عماار

 

[أبو عمار]

اعتقد الاول عداد المحطة محطة البنزين والثاني العود الدخون

منته حوله فكر ونا خوك

 

[أبو عمار]

اتوقع ان اللغزيين حلها واحد وهو اللسان

لكن عطنا رد صياف وشكرا لك يابو عماار

حياك الله اللغزيين ليس حلها واحد ولاهو اللسان

 

[abogehad]

ابو عمار ألأول وعرفناه الميزان

طيب الثاني ممكن تكون زهبة العارضي من البارود

 

[الحرشني]

اللغز الثاني عود الكبريت

 

[عمر العميري]

ابو عـــــــــــمار انا فداك يالذيب

والله لايهينك ع التوثيق الجميل


طبعاً والله العالم بإن حل اللغز الاول الميزان والثاني البارود



كل الشكر



تحياتي