تعطلت بطاريه سيارتك وانت بالبر للصيد ..ماذا تفعل..!!

[عصام الهذلي]

بسم الله الرحمن الرحيم

اذا كنت في البر وبطاريه سيارتك خلص شحنها ولا عندك اي جهاز شحن
ولا سياره ثانيه تقدر تسوي اشتراك ولا تقدر تنتعها .... ما هو الحل ؟؟؟؟؟

..

اليكم اخواني هذه الطريقه العلميه .


1- نزل البطاريه من السياره يعني فك براغيها باي طريقه .. دبر عمرك سلك امورك

2- احفر حفره بعمق ذراع او نصف متر بقطر مقاس البطاريه

3- ضع البطاريه في الحفره بحيث يكون اصابع البطاريه للاعلى

4- ادفن البطاريه بالرمل ( في وجه العدو ) بشكل كامل

5- رش الرمل بقليل من الماء بحيث يكون فوق الحفره

6- انتظر من 10 دقائق الى نصف ساعه وإذا عليك مطر وفيه رعود وبروق اقل من 5 دقائق

7- ركب البطاريه وسم بالرحمن وشغل موترك (ولاعاد تروح البر وبطاريتك خربانه )

..
..


ملاحظه : اذا ما اشتغلت السياره عاود الكره ودعها مده اطول

شرح السبب : تعرفون يا اخوان ان مستقر الكهرباء هو الارض خصوصا في البر يكون تاثير البروق

على الارض كبير بحيث يحمل الارض بشحنات كهربائيه كبيره والدليل يا اخوان ان كل جهاز كهربائي

له ما يسمى بالايرث وهو الشحنات الزائده الى الارض .

إختبار عملي : قم باتباع هذه الخطوات على بطاريه خربانه في حديقه بيتكم وسترى النتيجه بحيث ان <<<< مقتبسه من كتاب العلوم

البيت له ايرث قوي وتفريغ الشحنات كبير .
منقول

 

[البتال]

سوف اجرب طريقتك اذا نجحت العملية ساكون ممنون لك لان روحاتي للبر بكثرة
مشكور على هذة الفكرة

 

[عصام الهذلي]

الله يحيك يالبتال ...وجرب وعطنا النتيجه ...

 

[عابد الهذلي]

والله ياخوي عصام طريقة جميلة

ولكن لدي سؤالين :

إذا تعطلت البطارية في الليل هل يمكن دفنها وهل تكون مجدية ؟؟

وإذا الله أراد وعملت البطارية وشتغلت السيارة كم الفترة المستغرقة لعملية الشحن ؟


تحياتي لك يالغالي ومشكور على المعلومات القيمة .​

 

[مساعد الهذلي]

وانا عاد فاضي احفر اليوم كله وادفن ..

شكراً لك ياعصاام

 

[عصام الهذلي]

وانا عاد فاضي احفر اليوم كله وادفن ..

شكراً لك ياعصاام

ههههههه الله يعين للفايده فقط يامساعد شكرآ عالمرور

 

[مشهور الطلحي]

هههههه


ها تصدق اني مصدقك


وماعلي من البطارية على من هذا النص

شرح السبب : تعرفون يا اخوان ان مستقر الكهرباء هو الارض خصوصا في البر يكون تاثير البروق

على الارض كبير بحيث يحمل الارض بشحنات كهربائيه كبيره والدليل يا اخوان ان كل جهاز كهربائي

له ما يسمى بالايرث وهو الشحنات الزائده الى الارض

اعرف من اذا نام في الدور الثاني وما فوق تشوف رجلة وهو نايم تنتفظ كن معه جني ولا تأتية هذي الحالة وهو نايم في مكان على مستوى الارض والحالة تزيد اذا كان نايم والبروق والخيال مهو بعيد عن ديرتة ...

عموما شحنات الكهربة لها دور حيوي في الانسان والحيوان والنبات والمعدن .. وانا مهتم بهذا النوع من الابحاث .

شكرا لك

 

[خالد الهذلي]

الله يعطيك العافيه ياعصام فكره ممتازه وياليت الي يجرب هذي الطريقه يعلمنا بالنتايج ,,

 

[عصام الهذلي]

الله يحييكم جميعآ...وللعلم منقوله ابي الفايده لشرواكم...

 

[سلطان السويهري]

نجرب ونشوف

 

[رايد الياسي]

الله يعطيك العافية اخوي عصام واظن الطريقة غير مجدية حسب تجربة شخصية