قصيدة لشاعر الوطن الشاعر/قبل باخت المسعودي

[غريب الاطوار]

حافني ليلة اربع طعش فالقلب حايف**من هوى بال حال البعد بينــي وبينـــه
حرك القلب مابين الضلوع الصفايف**هزني هز وارجف مثل رجــف المكينــه
يارسيلي تولم فوق سرد الخفايـــــف**من حقبها بشغل المنسجه ناسجيــنـــه
روح العصر قبل الليل عند الرهايــف**لايجي الليل غير بعــلمكم واصــلينــــه
بلغوه السلام وعجلوا بالنـــكـــايــــف**واخذو العلم راس العلم وقتــه وحينـه
قلبي تقول في وسطه شظايا قذايــــف**كن في داخله مصنع لغم زارعيـــنــــه
حسني حسة(ن)خلت ضلوعي لهايـف**لهف بيض الورق في مطبعه طابعينه
مثل عظم الكسير اللي بوسط الكتايـف**فالجباير بعد شق اللــحــم جــابرينــه
قضه الغبه الطي الضعيف المهايـــــف**من شفى بير يرمح رمح ماها بطينـه
والعشيه ورى حاجز عليه الحسايـــف**يقطب الجو يوم تلد عيــني بعــينــــه
حملوه خويا الشيطان حمل الكلايــــف**واختفوا عنه واخذ العلم زينه وشينه
خويا الشر عبسين الوجيه الولايــــف**كل(ن)منهم لعلم الخير تقصر يمينـــه

 

[أبو رديد]

جزالة غير مستغربة على شاعر الوطن
صح لسانه

وألف شكر لك يالنشمي

 

[رايد الياسي]

صح لسان شاعر الوطن

قصيدة جزلة

 

[مساعد الهذلي]

قصيدة راائعه

صح لسان شاعر الروح الوطنية

 

[عابد الهذلي]

صح إلسان الشاعر ( شاعر الوطن )

وسلمت يا غريب الأطوار

 

[عقيلي من هذيل]

صح لسان شاعر الوطن​

قصيده رائعه ​

شكراً يا غريب الاطوار على ماقدمت لنا​

تحياتي ​

 

[شباب]

صح لسانك وبارك الله فيك