دارة رجز مباشر (سلمان الندوي و شباب )

[شباب]

هذا المتصفح خاص لدارة الرجز بين شباب وسلمان الندوي ومرحبا يجميع الأعضاء والشعراء والزوار







يامرحبا ترحيبة اللي ماتغيّب عن محله

وارث علوم المرجلة والطيب في كل المعاني

العلم ياسلمان يبدي وسط صفحات المجلة

وهذيل ربعي كاسبين المجد ماهو مجد فاني

 

[سلمان الندوي]

دام البقا واللي حضر منا يسد الباب كله
ماهي غريبه من هل الوقفات ذربين اليماني
زهير والاشراف وصلوا للنجوم اللي مطله
و انته امتغيب في هذاك اليوم يارعي السماني

 

[خالد الهذلي]

الله الله

صحت السنتكم ياشعارنا

والداره حاميه من اولها عساااكم على القوه

 

[شباب]

الله يبارك فيك مانبدا مع الطيب بزلة

ماهي غريبة لوتروح القوم فقدور وصواني


جميل حايم طيرها ولانواجهكم بذلة

والنجم محْد ٍ ياصله لايافلان ابن الفلاني

 

[شباب]

الله يحييك يابن مغبش

 

[سلمان الندوي]

دام البقا ياصاحبي واحذر تزيد الطين بلّه
انتم مباني طيبه واحنا عزيزين المباني
ما احد جحدكم في المواقف مير جاء في العلم خلّه
قدام ياقوم الجبل والعشر لاترجع ثماني

 

[شباب]

الله يغيث كبودكم وانته معك فالقلب عله

واهل المباني ماتبدّل وضعها طول الزماني

ماتجحدون ومن يسافلنا يبى يُرمى بدله

قدام ياسلمان احدّك للخفية والبياني

 

[سلمان الندوي]

انا علومي واضحه وامشي على مذهب ومله
كلاً تغير من مكانه والا انا ثابت مكاني
انته تدوّر للخبر شوف الخبر دقّه وجله
واللي قراها المطرفي لابد ياصل للسناني

 

[شباب]

انته علومك طيبة والله حنا تحت ظله

نجهر بعلم الطيب مابين الرفاقة والعواني

اللي يبى يدفن سلاحه مارعى شاته وبله

والمطرفي رجال طيّب والسناني مايداني

 

[سلمان الندوي]

انته علومك طيبه لكن حل العلم حلّه
والطيب مانجهل قوانينه وعلمك ماخفاني
اللي يبي يدفن سلاحه عندنا ما احداً حلاً له
حنا وردنا العد يوم الناس تسقي بالسواني

 

[سلمان الندوي]

شد حيلك يا شباب

 

[أبو رديد]

الله الله


مبدعين شعراءنا

 

[شباب]

اللي يحل العلم وافي والوفا طبع وجبّله

والطيب مانجهله ناطى فوق راس العقرباني

حنا وردنا والعدو يموت من غيظه وغله

والناس ماخانت عهَدها واستمع يامودماني

 

[شباب]

شد حيلك ياسلمان والله يحيي ابورديد

 

[رايد الياسي]

السلام عليكم ..
ومساكم الله بالخير يا هذيل

الله .. الله

دارة تستحق المتابعة

صحت الالسن وبيض الله وجيهكم

 

[شباب]

الله يحييك ياقرناس بني ياس وجهك ابيض مرحبابك

 

[سلمان الندوي]

الله يا مطيب علومك مير دوّر مستجلّه
تاطى على راس الحنش والسم الازرق في اللساني
انتم وردتم يارفاقه مير جاء في العد قلّه
افهم علومي والا انا فاهمك ما ابغى ترجماني

 

[عبدالرحمن مساعد]

ماشاء الله تبارك الله..


.
.
بالتوفيق لشعارنا..
.
.
واتمنى ان يكون الالتزام على الحرف في رجزه واحده وردها..
ومن ثم تغير الحرف..
.
.
حتى لاننتقل من فن الرجز الى فن المحاوره ..
كما اتمنى تعديد الطروق..
.
.
بالتوفيق للجميع..

.
.
احترااامي​

 

[شباب]

الله يامطيبك ياسلمان والدنيا مملة

والداب الاسود بي سمومه مير فالدنيا يعاني

محْد ٍ طلب منكم شهادة والعلالي مستقلة

فاهمك يوم انك شردت ولاتريد الاولاني

 

[شباب]

عبدالرحمن بن مساعد كان سجلت ياشيخ طيب في فرق بين المحاورة والرجز الله يصلحك ويبارك فيك