لاتسأل الغالي عن الجرح لافات

[طير الشمال]

(000لاتسأل الغالي عـن الجرح لافـــات000)​

يـغـنـيـك عـــن كـثــر الـحـكـي مـجـمـل ابـيــات
ومــن يـاخـــذ الـمـضـمــون يـلـــقــى الادلـــــه​

تـــدري وش الـلـي يــقـتـل الـحـب بسـكـات
لاصــرت فــي بـــوحــك تـــحـــس بـمـذلــــــه​

وتـــدري وش الـلـي يـكـسـر الـظـهـر حـزات
لامـن عـطـيت احــســـاس مــاهـــو مـحــلــه​

وتـــدري مـتـى تـستــاهـل الـطــعـن مـــرات
لا مــن خــطـيـت الــدرب وانــتـه تــدلــــــه​

لا تـتـبـــع المـقـــفـي عـلـــى كــل حـــالات
بــعــض الـوجــيـه اللـي تـقـابـلـك عـلــــه​

ولا تـسـال الـغـالـي عــن الـجـرح لا فـــات
نــبــش الــحـكـي يـــزود الـطــيـن بــلـــــه​

طــالــع فـمــن حولــك وتاخــذ شهــــادات
مـــانــلـتــها لــو تـــدرس الـدهـــر كلــــه​

ناس(ن) تجر من اسود الضيق ونـــــات
ونـــاس(ن) تـقــضــيها ونـاسه وفـلــــه​

هـــذاك شــال هــمـوم غـيــره ولا بـــات
وهـــذاك مــايــدري عــن احسـاس خلـه​

احــدن يهيــن اصــلــه عـلى كـــل زلات
واحــدن تــرومه شـيـمــتـه مـــاتـــزلــه​

لا تقول حظي من عـنا الـوقـت قـد مـات
قــل مـــات حــظ اللـي عـنـاه استــحلــه​

ولا ضاقت الدنيـا وعلى الكيف ما جــات
اطـلـق احـجاجـك ثـــم تـوكـل عـلى الله​

رفيع الذوق الاحيوي​

​

ماراق لي ونقلته لكم​

 

[مساعد الهذلي]

وتـــدري مـتـى تـستــاهـل الـطــعـن مـــرات
لا مــن خــطـيـت الــدرب وانــتـه تــدلــــــه

صح لسان قائلها وناقلهاا


ومشكور على النقل

 

[طير الشمال]

مساعد الهذلي لاهنت وبارك الله فيك

تقبل فائق تقديري

 

[فرحة خفوق]

راقت اللى كثيرآ
الف شكر على ذوقك الرفيع
أجمل تحيه

 

[طير الشمال]

هذا من طيب حظي يالصمت الجريح ان مشاركاتي تروق لكم

تستاهل اخوي كل ما هو نافع ومفيد يسعدني حضورك

تقبلوا فائق تقديري