بن قاسي الهذلي
مشرف سابق
- إنضم
- 16 مايو 2008
- المشاركات
- 4,019
تقلطت وانا ادري عيون الرجال حرابولاني محملها على غير محملها
تعودت في ماقف رفيقي علي حسابليا طق باب من المواجيب يزهلها
وانا خابر الهاجس على حروة الطلابيروز البيوت ولا يجي غير بجزلها
مباكير من وسم الحميا عليها بابتخيرتها ووجيه الايام تكفلها
تدق الخطر في روس الاجراس للمرتابمناديب من حمر العباريد في اولها
تسد اللزوم وتكره الصد والمجناببعد نوخ الماقف ركابه وصاح لها
وعن فتنة الوضع المسيطر لها محرابتغض النظر عن ثوب ماهو مجملها
على قد مالدنيا بها للحياه اسبابيموت الكريم وهامته ماينزلها
ولو الظروف احيان تستدرج العرابعلى شي من طيش المفاهيم يقبلها
تذريت بالايجاز عن فتنة الاسهابوصكيت في وجيه المشاريه مدخلها
ينرفزني اللي يفهق العلم والكذابليا درج الكلمه على روس اناملها
يحسب العرب مازالوا بجهلهم واعرابوهو في الحقيقه من جهالته يجهلها
والا يابلال اذن على زمرة الاحزاببعد علق تاريخ عانيه زلزلها
ودق الخشوم وحث للكايدات ركابمعك ماضي الاجداد يشعب في اصايلها
ومن لا يذري كلمته بالفعل وش جابعلى راسه الايام تقدح فتايلها
وانا جيت في الموعد ولا ني من الغيابمسجل حضوري والمواجيب اكملها
بعدها عليه للحضور اقربا واجنابتراحيب من بيض النوايا مجللها
هلا مرحبا ترحيب نو الحيا السكابليا شق وجه الارض وايقظ خمايلها
هلا والحضور اولى من الميل بالاهدابمقام الغلا والطيب واول منازلها
هلا والقلوب تسابق النود بالترحابتعن الحروف اللي تجمل وترسلها
هلا والصدور بيوت وضلوعها الاطنابمداهيل شرواكم من الناس يدهلها
هلا والمقام اكبر من الحرف مهما انسابولا هيب كلمه من ورا القلب قايلها
تحايا غلا واجلال ماتدرق في حجابمفاريع في وجيه المطاليق ازوملها
التعديل الأخير بواسطة المشرف:
