عبدالرحمن مساعد
:: عضو جديد ::
- إنضم
- 14 سبتمبر 2009
- المشاركات
- 2,499
الى كل الإخوان في الصرح الهُذلي ..
كل عام وأنتم بخير..
.
.
.
.
كل عام وأنتم بخير..
.
.
.
.
يـ الله يـ اللي لك الدنيا ومن فيها
............................يـ اللي لكـ الناس تشكي من بلاويها
يامالك الملك/ لا ملكاً سوى ملككـ
...................................يامُجري الفلك قاصيها ودانيها
ياعالم العلم سبحانك ولاغيركـ
...................................تعلم بسر النفوس وماتخفّيها
اني أدل الدروب اللي توصلني
.................................لرضاك يامهلك الانفس ومُحييها
واني فوجهكـ ليامن صرت في قبري
...........................في حفرةٍ مـ انعرف وش هي تواليها
هي جنةٍ طامع إبها عبدك المؤمن?
.....................................اللي صلاته لغيرك مايصليها
او هيّ ناراً عساني مااتقرّبها
..................................تبت يدين اللذي روحه تصاليها
ابن آدم إن طال عمره ماهو امعمّر
.......................................لابد روحه تعوّد عند باريها
مايدري ان طول عمره نقص فسنينه
............................سنينه اللي بِقَت والموت قافيها ؟!
مادام عُمر النبيّ وصحبه وآله
................................ولادام عُمر الملوك ومن يواليها
البارحه يوم كلٍ نامت اعيونه
..................................انا عيوني لذيذ النوم مخطيها
آفكرَ آفكر فحولي وماحوله
..................................وماحول حوله واعقلها واثنيها
لقيت فـ الناس ناسٍ مالها رادع
................................أفعالهم ماتشرف من يسمّيها
اللي تحمل أمانة شوف وش سوى؟
................................طبق شعارات حاميها حراميها!
وش عاد نرجي مـ دامت هذي افعوله
...................................ان كان حتى الأمانه مايأديها
وهذاك يتخيل الكذبه ويصتعها
...............................والمشكله انه يصدقها ويحكيها
وهذاك عينه على الزله يدورها
........................ويستمتع ان جات من ناسٍ مجافيها!
اما الحسد شي يؤسفني الحكي عنّه
...............................عين المجالس تعلمك بخوافيها
مليت من شوف ناس ن ماتدانيني
..................................لأَن لي مبدأ يخالف مباديها
ولأَن شعوري حقيقي ماهو مزيّف
..............................ولأَن شعري يسرحها ..يضوّيها
ولـ/نّ القصيدة معي تزهى وتتبختر
................................لاصار جمهورها يردد قوافيها
ولـ/نّي صريح وكلامي يسبقه فعلي
............................لذا الجهالة تعادي من يعاديها!!
هذا هو الواقع وهذي تفاصيله
...............................تعبت من قول /يارجال عدّيها
حتى الحبيب اللي احزاني من احزانه
............................راح وتركني مع احزاني اعانيها!
وقدام لنهي القصيده ودي اكتب له
................................بيتين والنفس فيها مايكفيها
يـ اجمل خيالٍ رسمته في دواويني
.....................واصبحت اسمى قصيده في معانيها
إما ترفّق عليّ وجمّع اشتاتي
.............................وِِلا سلاما ًعلى الدنيا ومن فيها
التعديل الأخير بواسطة المشرف:
..
