فتى الحجاز تفضل لاهنت !!

[خالد الهذلي]

السلام عليكم ورحمة الله وبركاته

مساء الخير... واستلم يابو سعد

هلا يامرحبا ترحيبة البدوان بالسيل = بعد جانا من الشعار شاعرنا الهواوي
اشوف سهيل قفا مير اشوف النجم ابو ذيل= عسى طيب الثنين يصير قسمه بالتساوي​

 

[فتى الحجاز]

عليكم السلام ورحمة الله وبركاته .. مساك الله بالرضا والنور يابو محمد

يدوم إلك البقا فأخر نهارك وأول الليل # ترحّب والمراجل ماتجي لك بالهقاوي
تخيل النو وتهل المزون ويدرج السيل # ويثمر كل عود إيبس من الضلع السناوي

 

[خالد الهذلي]

تغيب ولاحظرت المعركه بالسيف والخيل =ثلاث سنين مرت ماسمعنا لك عزاوي

نشدنا عنك قالو مايحب الحط والشيل = وله نيه ولاندري عنه ياويش ناوي​

 

[فتى الحجاز]

الله الله يابو محمد

ليا عرّضت نحرك ماقصر حد المصاقيل # وأنا وشلون أدور لي خصم قفّى جلاوي
حليل اللي ماينشد فالعرب غير المهابيل # ويبلش لانشده الشيخ وتقوم الدعاوي

 

[خالد الهذلي]

صحيح عيون ولا ماتشوف الا بدربيل = ولاياطيب حظك يالذيابه بالعماوي
تشب النار مير النار خالية المعاميل = ولا قدر يفوح ولا تفوح بها القهاوي​

 

[خالد الهذلي]

صح لساانك اخوي فتى الحجاز واشكرك على اجابة الدعوه الخاتمه عندك ولنا لقاء اخر ان شاء الله

 

[فتى الحجاز]

سليم العين ووسيع البصيرة وأعدل الميل # ودلوك فاضية تطلع من العد الرهاوي
نخالة بن سليّم ماتجي لو ربع زنبيل # حسودي مايغطي عيبه البشت الحساوي

يعطيك العافية يابو محمد ونراك على خير في لقاء أخر والمعذرة على القصور .

 

[خالد الهذلي]

سليم العين ووسيع البصيرة وأعدل الميل # ودلوك فاضية تطلع من العد الرهاوي
نخالة بن سليّم ماتجي لو ربع زنبيل # حسودي مايغطي عيبه البشت الحساوي

يعطيك العافية يابو محمد ونراك على خير في لقاء أخر والمعذرة على القصور .

هههههههههههههه

صح لسااانك يابو سعد شاعر مافيك حيله لكن لاعاد تغيب علينا والبدعه الجايه عندك

 

[أبو رديد]

صحت الألسن

وبيض الله وجيهكم

قاف عالي المستوى

 

[رايد الياسي]

خالد الهذلي, فتى الحجاز

قاف رائع

صحت الالسن وبيض الله وجيهكم

 

[نمط غريب]

خالد الهذلي, فتى الحجاز

قاف رائع

صحت الالسن وبيض الله وجيهكم

 

[الحميا]

خالد الهذلي

فتى الحجاز

صحت الالسن