ياخاطري

[نادر النادر]

يا خاطري ما عاد فيهـا مشاريـه
كم خاطرٍ له شرهـة مـا ذكرهـا
يا ما ورا بعض ابتسامات في وجيه
خواطر جـار الزمـان وكسرهـا
وكم خاطرٍ قد بيَّح الوقـت خافيـه
ليت الزمان اللِّي كسرهـا جبرهـا
وكم واحدٍ يخطي ولا نلتفـت فيـه
ما ضرّت الطيب اليا مـن طمرهـا
لا حدّتك الاقدار عن شـي تبغيـه
ما كل من يحلـم بحاجـة قِدرّهـا
صدري من الضيقات ما فيه يكفيه
دام الصدور قبور صـدري قبرهـا
لا وامـرٍ هـذا ولا ذاك ناهـيـه
الناهـي الله والله اللـي ومـرهـا

منقوووووول

 

[الحميا]

لا حدّتك الاقدار عن شـي تبغيـه
ما كل من يحلـم بحاجـة قِدرّهـا
صدري من الضيقات ما فيه يكفيه
دام الصدور قبور صـدري قبرهـا

ياسلام

صح لسانك وبيض الله وجهك

تقديري لك

 

[نادر النادر]

وجهك ابيض اخي الحمبا ومشكوووووور لمرورك ويعطيك العافيه تحياتي لك

 

[شباب]

الختام نتيجة حتمية الناهي الله والله اللي أمرها

لله الامر من قبل ومن بعد

أخي نادر النادر وفقت في الإنتقاء المفيد القيم

 

[نادر النادر]

يعطيك العافيه اخي شباب وبيض الله وجهك على مرورك الرائع تحياتي وتقديري لك يالغالي