الليل يامشعل

[خالد الهذلي]

هلا مرحبا يامشعل ابروق ورعود = من المزنه الي برقها مع رعدها
ترا مانت يابو زيد للموت محدود = تزور القبور وثم تكشف لحدها

 

[مشعل المعبدي]

يدوم البقا والليل شعله وبارود=عسى يحتمي ميقاف خندف ولدها
أنا ماحسبت لزيد وعمير وسعود=ولا همني كثر الجيوش وعددها

 

[خالد الهذلي]

الله الله صح لسااانك واعتذر منك على التاخير

جوني ضيوف لكن بكره نكملها

 

[خالد الهذلي]

صروف الليالي جابت البيض والسود = تجيب العلوم ولو ماحد نشدها
عليك الحزام وقدمك الدرب مقعود = ياراعي اليمين الي عرفنا جهدها

 

[مشعل المعبدي]

الا يالهذيلي صدور وعلومنا ورود=مصدر عن الجمه وغيرك وردها
ترى ماتشب النار ياكود بزنود=ولاكن كل المشكله من بعدها

 

[مشعل المعبدي]

ابو نايف بغير القاف بعد اذنك

 

[خالد الهذلي]

خذ راحتك يابو عتيق والله الله في الا لحان الاوله

 

[خالد الهذلي]

خذ راحتك يابو عتيق والله الله في الا لحان الاوله وعدنا بعد الصلاه ان شاء الله

 

[مشعل المعبدي]

سلام ميعادنا طلعة كرى ياليت ياليت=الشيخ خالد يقابلنا ليا جات الوعيده
أنته من هذيل قوم أم القرى ياليت ياليت=سواير ام القرى ماطابقت ساير بريده

 

[خالد الهذلي]

يامرحبا لو تبا راس القرى ياليت ياليت = واليا ترديت ماتحسب على ربعك فقيده
اهل حدا ودها ترجع ورى ياليت ياليت = لكن قرب الحرم يحتاج له شرع وعقيده

 

[مشعل المعبدي]

دام البقا والجبل فيه خشرى ياليت ياليت=وزعتك جاتك سوات الموت في داخل وريده
بين الثريا مسافه والثرى ياليت ياليت=فالعيد لناس تطلع بالثياب الي جديده

 

[خالد الهذلي]

ههههههه

ماجور يادار لاضل و ذرى ياليت ياليت = مالوم مشعل ليا ذرت ذواريها تبيده
الشجره الي طلع فيها الغرى ياليت ياليت = ماجابها الي حطبها من ورا دار الحديده

 

[مشعل المعبدي]

صح لساااااااانك يبو نايف وعتذر منك ولله ثلاث زواجات الليله معزوم عليها ومنشغل شوي لاكن العذر و السموحه

 

[خالد الهذلي]

صح بدنك يابو عتيق وافي وعلمك غانم وابد خذ راحتك والجايات اكثر ان شاء الله