سلمان والا المتواجد

[شباب]

سلام الله وانا أدوّر مع الشعار عن سلمان


عسى الله يفهمه بعض الأمور اللي نناقشها



قبل فترة صدفتك فالبلاد وخاطرك زعلان


مع اهل الملعبة تعجز ولاتقدر تناوشها

 

[نايف الجابري]

صح لسانك ياشباب

وننتظر سلمان


يعطيك العافيه​

 

[سلطان السويهري]

بدع مركب تركيب

لكن يبدو ان سلمان غير متصل

صح الله لسانك يا شباب

 

[شباب]

نايف الجابري الله يعافيك

سلطان اخبرته قال ان شاء الله

 

[نادر النادر]

صح لسااااااااااااانك اخوي شباب يعطيك العافيه

 

[شباب]

صح بدنك اخوي نادر

 

[ماجد الزايدي]

وينك ياسلمان قرب

 

[عصام الهذلي]

صح لسـآنك بدعه وافيه وفي انتظار شاعرنا سلمان ...وصح لسانكم مقدمآ.
تحيتي

 

[شباب]

ماجد وعصام


الله يسلمكم يالغالين وسلمان في ديرته ومافي ارسال

 

[سلمان الندوي]

هلا يامرحبا بالصاحب اللي يحكم القيفان
عسى ما تحكمه بعض الامور اللي يعايشها
ترى اصحاب الوفاء ما يقبلون الزور والبهتان
كما بعض العلوم اللي كلام الزور خادشها

 

[شباب]

سمعنا إن مابه يم ضيم ارسال بالمجان


وربي يحكم الاكوان وهجوسك بنبلشها



تبى تقرب من رجال المواقف وانت مالك شان


ياكود تقاصد الشعار بالاحراج تربشها

 

[سلمان الندوي]

انا ما اترك سلومي واتبع الحضران يا تعبان
لقى سفرة هلا واصبح في ركن البيت فارشها
انا حاكم هجوسي واعرف اللي حوله النقصان
دخيلك لا تخرفش بالعلوم اللي تخرفشها

 

[شباب]

ترى الحضران شجعان البلد والبدو كالتيجان

يبى يفرشك باكور ٍ تشيله وأنت تخرشها



ماهو تعبان من هزك كما الزلزال والبركان

لكنك فأي موقع مزعج العالم وتنهشها

 

[سلمان الندوي]

انا عارفك تقضي لازمي وانته بدون اسنان
عليك الشوشه اللي فوق جال البير نافشها
علامك ما تريّح خاطري يا سخيف الذرعان
ياظبياً فوق راس الرجم يأكل من خشايشها

 

[شباب]

كذا والله ماتعرفني ليا جيت الحجاز الان


لكن يجيك خالد وأنت بأسرارك تغبّشها



ماني بسخيّف الذرعان والا ظبي ياغلطان


انا اللي فاهمك وانته هدومك لاتبّقشها