مني نصيحه يارفيقي ودونك

[نادر النادر]

مني نصيحه يارفيقي ودونك
مني وانا اللي بالموده مصافيك ​

اختر صحيب في الخفاء مايخونك
ماهو من اللي بالخفايا يعاديك ​

تشوف صدقه في غيابك يصونك
فعلاً تحس انه من القلب يغليك ​

وقت الشدايد اول اللي يجونك
ماهو من اللي بالشدايد يخليك ​

عونك على الدنيا وسلوة حزونك
في ضيقة الخاطر بجنبك يواسيك ​

ذيب الذيــآبه مايخيب ظنونك
وليا نصيته قال يامرحبا فيك ​

لله دره يرتفع في عيونك
هذا مكانه واحتفظ به بعينك ​

وغيره تراب القاع لو هم يبونك
كذب المظاهر لا يغرك ويعميك ​

لو شفت ضحكتهم فلا يخدعونك
ترى المصالح جمعتهم حواليك ​

وليا انتهى واحدهم انكر معونك
حتى اتصال وكيف الاحوال ناسيك ​

صحيح بعض الناس يسوى عيونك
والبعض والله مايساوي مواطيك ​

هذي نصيحه ياخليلي ودونك
معها تحيه من محبً مصافيك ​

كلمات الشاعر عبدالرزاق الرويلي​

 

[انصاف قلم]

صح لسان شاعرها

ولاهنت ع النقل الرووعه

تحياتي لك

 

[نادر النادر]

مشكور الف لمرورك العطر تحياتي وتقديري لك

 

[ماهر عبد المعين حماد العلياني]

متميز اخي نادر النادر في جميع ما تنتقيه مشكووووووووووور على موضيعك الجميله​

 

[نادر النادر]

اخوي ماهر مشكوووووووووووور الف لمرورك الراقي يعطيك الف عافيه تحياتي وتقديري​

 

[عقيلي من هذيل]

قــصــيــده جــزلــه
شـكـراً للأخ نـادر النـادر
إنـتـقـاء مـمـيـز

 

[عمر العميري]

انتقاء جميل جداً

كل الشكر ياراقي

 

[نادر النادر]

قــصــيــده جــزلــه
شـكـراً للأخ نـادر النـادر
إنـتـقـاء مـمـيـز

مشكوووووووووووور الف اخوي عقيلي من هذيل على مرورك العطر

 

[نادر النادر]

انتقاء جميل جداً

كل الشكر ياراقي

مشكووووووووووور الف اخوي بن عادي لمرورك العطر