قصيدتي في حفل تكريم الشاعر عمر الخالدي

[محمد معيوض الجعيد]

السلام عليكم ورحمة الله وبركاته

صبحكم الله بالخير ومساكم


1-ياهجسي قم نجب القاف تنجيب
تنجيب شيخن ساس الامجاد ساسه
2-عاش البداوه واخذ منها تجاريب
وصارت تجاريبه تدرس دراسه
3-حزة دعاني الخالدي جيته مجيب
وفي ليلتن فيها الفرح والوناسه
4-سلام تسليمن يصفي المشاريب
وافي وملبــوس المعزه لــباســه
5-ســـلام ياقــومن توفي المطــاليب
اهل الكرم والعلم واهل الفراسه
6-قومن لهم في صفحة المجد ترتيب
يوم اشهب البارود يدوش عماسه
7-عزوة بني خالد سيوفن معاطيب
والفخر والنوماس يغرس غراسه
8-في حفل شاعرهم.عميد المواجيب
شاعر وفالميقاف مرفوع راسه
9-خيال حثلوم الشعر رمحه يصيب
جزل المعاني فيه طبع الرياسه
10-تاريخه مشرف ولابه عذاريب
ابداعن وفنن بعيدن مراسه

11-بالشعر عدى في علو المراقيب
وفرحبه الجمهور واهله وناسه
12-يوم الردي في رميه يصيب ويخيب
حطاب ينقل من على المتن فاسه
13-ومن اول المرقاب في رقيه صعيب
ولا كل رجالن وصله وداسه
14-واليوم يرقون المراقيب بالجيب
في وقتنا وقت الحيل والسياسه
15-وحتى ولو هاموا بوسط الاشاعيب
فوق الثرى والنجم صعبن مساسه
16-والخالدي خلد على صفحة الويب
ووجه الفخر يفداه وجه التعاسه
17-في حبك ولا سبك فن وتعاجيب
انا اشهد ان الشعر سادس حواسه
18-وانا وقفت الليله بماقف الذيب
اعسف بيوت الشعر عسف بسلاسه
19وبغيت اقدم بشت لمقدم الطيب
والمشكله ماني بعارف مقاسه
20-وبدلتها بالسيف عطب المضاريب
الي يقص العظم وقت الحماسه

21-هذا وانا ربعي لهم فعلن مهيب
عدوهم مايهتني في نعاسه
22-عتيبه الهيلا بلا شكن وريب
مثل الجبل راسي وياقو باسه
23-وتاريخهم معروف ياهل المكاتيب
كرامه ورحمه ومجد وشراسه
24-وضرب الثميدي عند حرش العراقيب
خصيمهم منصاب والشر حاسه
25-وصلاة ربي عالم الجهر والغيب
على النبي اصل الشرف والقداسه

 

[نادر النادر]

صح لساااااااااااانك وبيض الله وجهك

والشاعر عمر يستاهل الوفاء

ودمت في امان الكريم​

 

[الحميا]

بيض الله وجهك

سمعت القصيده في الحفل

حضور مميز

صح لسانك
​

 

[خالد الهذلي]

صح لساانك على القصيده الجزله

ونعم بك وبربعك عادتكم الطيب والعلم الغانم

 

[رايد الياسي]

صح لسانك يا محمد وبيض الله وجهك
وافية من وافي وابو محمد يستاهل

تحياتي

 

[أبوريتال الياسي]

صح لسانكـ يالسنافي

..

ويستاهل الشاعر عمر القصيدة ..


//

 

[راك]

صح لسانك ونعم فيك

 

[انصاف قلم]

صح لسانك وبارك الله فيك
تحياتي

 

[ماجد الزايدي]

كفو ابداع شاعر جزل وقصيدتك شامله لفنون الشعر الحقيقي

 

[أبو رديد]

صح لسانك يابو معيوض
وملك الموال الشاعر عمر الخالدي يستاهل كل المدح والثناء وكل خير

 

[عقيلي من هذيل]

صح لسانك يا محمـد

شاعر ولله درك

كتبت فأبدعت

الله يبيض وجهك على هذه القصيده الجزله ويستاهل الشاعر عمر الخالدي كل المدح والثناء

صح فكرك يابو معيوض

تحياتي ​