النوم طاير

[كفيل العرب]

[align=center][table1="width:95%;"][cell="filter:;"][align=center]
سلام يا أعز البشر في عيوني

يااللـي لكـم روحي فـدا وتهون

آسف على طول الغيبة

[/align][/cell][/table1][/align]

[poem=font=",6,black,normal,normal" bkcolor="white" bkimage="" border="outset,5,red" type=0 line=0 align=center use=ex num="0,black""]
النوم طاير من عيوني ولا ادري=وشلون طاير والتعب هد حيلي

الظـاهر إنه دحـدر العمر بدري=الحظ عـاثر والعـنا مرتكـي لي

ياكثر ما جالـت مشاكل بصدري=أنام وأصحى ماحـسبت إلقبـيلي

ماشلت هم لشئ من عهد صغري=ولاجـال للهيـبه براسـي جويلي

من وقتها الطنخـه تقلب بقدري=والمَشْـكَلـه كـيفي وبنـي وهيـلي

وجدي على ايام تجـآول بفكري=مـع طـيبين الفـال فـالي خـليـلي

ملعـون أبو دنيا تطوعك قسري=وتخـلي الـعــايل يلـج العـويـلي

يصير كنه بنت من دون ستري=دفـاعـها عـن نفسـها مستحيـلي

يازين موت الحر في مثل أمري=من غير ما اقنط فالكريم الجليلي

الموت رحله حجزها امر قَدْرِي=يم الرحيم الـبر راعـي الجـميلي

اللي يحاسب بين عاري ومُعري=العدل رب الناس فـادي الخـليلي

دنياي تحداني على سِيف فقري=في مـركب تصافقـه مـوج ليـلي

ليلن دِجيْ . منوة عدوي بغدري=واللـه فـوق الكـل واللـه وكيـلي

ماهيب يم الجهل رجلي تخطري=لكـن تراكـم هـم وجـاكم نثيـلي

واستغفر الله عد تسبيح يسري=وصـلِّ على خير البشر يا عميلي

[/poem]ـ

 

[شباب]

ثوّرت بي الاشجان يالشاعر الفذ واستلم لاهنتم
































إن طار نومك مانفع منك صبري

وانته تحط بشعرك وكم تشيلي

وتفز ّ من غبشة لتغريد قمري

ماتدري إن الظُهر بيجيك سيلي

الجو يُمطر من سمومه سقطري

واللي شرد يكسب بنفسه جميلي

ماجيت اقيسك بالمثايل بمتري

ماني مصمم زي ّ والا موديلي

واهل العُري ّ تحّصل البعث حشري

والكافر بيوم القيامة ذليلي

وأنته من الهذلان طيبة وفكري

حسب اعتقادي في ثبوتك هذيلي

ظليمة ٍ مرّت وكم مر ّ دهري

لكن ّ ماانسى فالهجيني زميلي

انا سبقتك للمراجل ونصري

لو تسكن ارجنتين والا في شيلي

لكن ْ على كل حال لك كل شكري

لأجل أنت زاير والا عابر سبيلي

كفيلنا الله ماتسّبب لذُعري

ومكة حماها الله من جنود فيلي

ليتك كذا تمشي يامخلوق دُغري

اصحك تلف وفالمواقف تميلي

والا تعوّد بالذراعين صفري

مانلت لادجلة ولاتذوق نيلي

وان زدت في وسط التماثيل جمري

هيا انتبه لاتحترق بالشليلي

البنت منها التربيه وانت تسري

والرجل بالميزان دايم يكيلي

اصحك تجينا تبدع القاف غدري

كان اشطب الكلمات لك بالمزيلي

استغفر الله في العشا لين فجري

واكبّره واهلّل فكل ليلي

 

[كفيل العرب]

[align=center][table1="width:95%;"][cell="filter:;"][align=center]
سلمت يا شـباب يا ذخر الابطال

ذخـايرك ما تبـطي شـوي وتـثور

قناص ماتخطي الطرايد بالادغال

حاشاك يا راس المناعير وماجـور
[/align][/cell][/table1][/align]
[poem=font=",6,black,normal,normal" bkcolor="transparent" bkimage="" border="outset,5,red" type=0 line=0 align=center use=ex num="0,black""]
دامك تخايل يبن عمي لوكري=وكري علي وكر غيري عليلي

اراك غالي منت بارد وفتري=اغليك قمة ما تجيك الخميلي

حنـا عرب لكن الـعم عـبري=الله هدانامن الزلل والظليلي

السيل يحدر والخطرلمتحدري=يكفيني انك سالك نفس ريلي

لون السواد مع الحمر مايخضري=وش جاب كتمندو بخان الخليلي

بكتب لك الاسماء على ورق سدري=99 اسم يمكن تجيلي

انت بدفا مكه و تختك يصري=ما جيت للطايف تلبس شميلي

أهل الضيافه حبهم في ضميري=واقدم الطيب ووفي جميلي

مسفط على بن عم ولاجيب عذري=نبا نسوي الامر ولك الف حيلي

مابه باناخي عن خواله غريري=يسوقها في غير يمه ثعيلي

والله يستر لا يجينا مغيري=هرول واذا تعبان حث الرميلي

إفزع لخالك والحقه با الفريري=اعرفك يا الغالي تعلا الطويلي

خدمة علم ولا كما قيل ميري=يا الله نسجلها برسم إعزفي لي

القلب قلب لكن إصحآك ويري=إكليل ورد ولا بلاك الكليلي

من يمتهر مرزوق باجر المهير=وانت امتهرت بجهد صامل صميلي
[/poem]


رايح للمستشفى ادعلي يا شباب ووعيكه

 

[شباب]

سلمت وابى اكفل شغاميم ورجال

وابلي الفشق وارميبه اهداف فالنور

اما حجزنا بالمطارات لأنذال :smi_84:

والا يظل القرم منهي ومامور

و الله يشفيكم من الكحة وسعال

واهم شي صحتك ماجور بالفور







إن جبت قرآني وهو جاب سفري

ويبث فإذاعات خان الخليلي

وش هو مسوي بك افندي ومصري

في شارع الحج وبوادي جليلي

للسمسمية غالب القوم تزري

من شان علبة زيتها اللي تهيلي

وانته بميكروسوفت مافيه مكري

كبّر خطوطك وانتبه للعميلي

لأن أكثر اشجار التخاتيخ سُمري

من يوم توقد شب جمر النبيلي

في سادس ابياتي مااقلك ياعُمري

منته مناسبني ولاتستوي لي

يقول بن غامد بميقاف جبري

قصده على السايح قصير وطويلي

وانت اتعظ منهم وحبرك كحبري

لكن تسمع من سيوفي صليلي

اليا امتحنك الدهر في خصم خكري

لوتنهق جحوشه لخيله صهيلي

والظاهر اجواء المريكان سُكري

محد ٍ معاوني ولايرتكي لي

ماني مدوّر في اجانيب دُشري

بعويرها وصويرها والحويلي

ياكم خطب تخلد وانا ابني فقصري

واقول هب فابليس ماهو حليلي

انا ارجمه لاصار للحج عشري

مستفعلاتن فاعلاتن فعيلي

حنا درسنا في سنة والا شهري

ماهمنا بوسي وفيفي ونيلي

وان جات نبتة سيف ماهي بصفري

والي يشمر ثعلب بدون ذيلي

 

[كفيل العرب]

سلمت يا شباب وصح السانك ولا هنت الله يسعدك يبن العم هههههههههه اجل مسوي عليه كولومبو هاه هههههه

تراها مزوح يبن العم وانت غالي ومن عرب غالين جدا عليه بس احبك زود اذا نقزت بلوفك هههههههههه وانت وانا وكل عاقل نعرف ان

الهرج والشعر ما يأثر إلا في ضيق الصدر يبن العم .

ودي واحترامي يا الغالي

 

[نادر النادر]

كفيل العرب
شباب

صحت الالسن

وبيض الله وجيهكم

تحياتي

 

[شايع الهذلي]

صح لسانكــــــــــ وبيض الله وجهكــــــــــــــت

 

[شباب]

الله يقويك يالشاعر الماجد

ذكرتني هههههه ركيب حنطه ابى اصرمها

هو وينه ؟ عن الحسباء والقندله والخيصان والاصروعة رعى الله ارض الشفا ورعاك وشفاك يالخوي

 

[شباب]

نادر النادر الله يقويك يالاستاذ لدعمكم السخي دوما ً وابدا ً

 

[انصاف قلم]

كفيل العرب ،،،، شباب
صحت الالسن
الف شكر لكم ودمتم كما تحبون
لروووحكم الفرح

[BIMG]http://up.top4top.net/uploads/2011/12/12/top4top_eb566abc711.gif[/BIMG]

 

[شباب]

الله يسلمك ياانصاف لتواجدك شكرا ً لك

 

[كفيل العرب]

كفيل العرب
شباب

صحت الالسن

وبيض الله وجيهكم

تحياتي

صح بدنك ولا هنت يبن العم ووجهك أبيض

 

[ابو عناد]

كفيل العرب وشباب بيض الله وجوهكم وصحت الالسن​

 

[شباب]

الله يسلمك يامراحب

 

[عقيلي من هذيل]

صح لسانك يا كفيل العرب

صح لسانك ياشباب

مبدعين لله دركما

الله يعطيكم العافيه على مااتحفتونا به

فعلاً مبدعين

تحياتي​

 

[شباب]

عقيلي من هذيل الله يسلمك

وشكرا ً لتواجدك الغالي