ملخص المحاورة
مساعد السويهري
مرحبا ترحيب نبدابه واقوله.
مثل مبدأ النور جلاي الظلامي
نازل الميدان بحزام البطوله
من ينافسني ومن ياخذ حزامي
مبارك العتيبي
البقا يا شاعرن عرضه وطوله
وكان أنا زليت عود ياكلامي
أبشرو واللي تطولونه نطوله
والعرب دايم يردون السلامي
مساعد السويهري
العمل لازان عند الله قبوله
يا وسيع العرف لا تجرح صيامي
باعة العقال تشرى ومعقوله
وباعة المجنون تقعد ما تسامي
مبارك العتيبي
لكلام اللي صحابتنا تقوله
فيه شي من حلال ومن حرامي
أن نزلت السوق مايعجب نزوله
فسروها يا مفسرت الحلامي
مساعد السويهري
مر عام وزل عام ودار حوله
وأنت ما شفناك في الصف الأمامي
يا هل الدوحه امبارك صفقوله
مثل ما تصفق عتيبه للزلامي
مبارك العتيبي
شفت صياح الضحا يشعب ذلوله
لافراش ولاشراب ولاطعامي
لاتخلي في سوالفنا ميوله
ولاتطق الطق فكاك اللحامي
مساعد السويهري
الجبل نعرف طلوعه من نزوله
والبعير شعيل مردوم السنامي
يا مساعد لا تثقل له حموله
يمكن إنه يتقن المسرى تمامي
مبارك العتيبي
عمنا مافيه شك الزول زوله
مير خلك فا البلد دايم نظامي
وكل شياً له طريق وله وصوله
من لبس له بشت ما يلبس حرامي
مساعد السويهري
يا مبارك كل بنك ن له عموله
ما نبى دونك وكيل ولا محامي
الحمول ثقال ماهي بالسهوله
والمطر يمطر وخلق الله ظوامي
