حديث الشعر

[المحمودي]

حديث الشعر

هاتو لي المركى وصبو لي بنىّ
.......... فنجـــــــان قهوه يعدل الكيف نبغيه

يطري لي الهاجس وقمت اتغنىّ
...........ابيــات شعــر هيضت فكـــر راعيه

هذي عيون الشعر من كل فنّى
........... لحــــن القصيد اللـــي عجيبه قوافيه

ياللي عليه العلم من وقت بنىّ
...........هات القصيد اللي ضميــري يحاكيه

افرح بها مثل المطر صوته يدنّى
..........رعـــــده وبرقه يلتعج مـــن مناشيه

سقى وعوض كل واحد تعنّى
.......... وابــدى الحيا سيله على جـال واديه

اخبرك شاعر تبعد الضيم عنّى
............ قـــــــول الخطا عنا بقــــولك تعديه

لوانك سألت الشعر وش هو تمنّى
............وش الــــــذي ياشعـــــر تبغي نلبيه

قال ابعدو عني جميع المجنّى
............ اللـــــي طروق الشعـــــر مالهم فيه

كم واحد منهم بقوله امتحنّى
............يحسب بيــــــوت الشعـر لعبة اياديه

ياعامر افهم كلمتن جات منّى
........... الشعــــر نبض احساس حلوه معانيه



محمد احمد المحمودي

 

[عزوتي]

يعطيك العافيه
قصيده جميله
الشعر نبض احساس حلوه معانيه
بيض الله وجهك
اخوك عزوتيييييييي

 

[نجــ هذلي ــد]

المحمودي شكرا جزيلا على القصيدة


أسجل اعجابي بهالقصيدة


قافيتها مميزة وأنا شخصياً أحب هذا النوع من القوافي

 

[ابو سعد]

صح لسانك يالمحمودي


قصيده رائعه ... و عيني عليك بارده


و ننتظر جديدك يا شاعرنا






تحياتي ,,,

 

[المحمودي]

شكرا للجميع على مرورهم ويعطيكم الف عافيه