إهداء إلى الشاعر شباب

[عبدالرحمن الجابري الحربي]

السلام عليكم ورحمة الله وبركاته ​

طابت جميع أوقاتكم بكل خير ​

بداية أعتذر عن انقطاعي الفترة الماضية لظروف الدراسه ,,,​

ثانيا : لقد حظيت في مجالس هذيل بالترحيب والتحايا منذ قدومي وهذا لي مستغربا على شعراء ورجالات هذه القبيله التي تتّسم دائما وأبدا بالوفا وكرم الضيافه ...​

هذه أبيــات جاءتني مهداة من الشاعر الغالي / شباب ... ​

أردفتها بردي المتواضع عليها ..​

..​

..​

شباب :

[poem=font=",5,,bold,normal" bkcolor="transparent" bkimage="" border="none,4," type=0 line=1 align=center use=ex num="0,black""]
يا مرحبا يالجابري لو تعنيت=تلقى من الترحيب والشاذليه
يالغالي اللي في المراجل بنى بيت=يكرم وحنا نكرمه بالسويه
استرّ قلبي عقب في حلالنا جيت=والرجل يهنا حين رؤية خويه
والله ما أفكر في جن وعفاريت=دامك لفيت ارتاح قلبي هنيه
وأنا بصوغ الشعر بيتٍ ورى بيت=وأبي الدعم من عزوتي اليعربيه
إليا وصل واحد من القلب فزيت=واقدره وأعنى ولا من شنيه
وانته سلايل حرب قومٍ لها صيت=أرحامي اللي دوم نيران حيه
من طلعة الزاهر تثور الكباريت=إلين خطك يالمدينة البهيه
منورّة بمحمد وباليواقيت=وانت جذع لاصول منها بقيّه
متوارثين الطيب يا حي يا ميت=ما مثلكم وفعولكم صيرميه
وأن سليل هذيل سقم الطواغيت=بالسيف تُرجع ما تبى أي عيه
تشري هل الأفعال وأبها مثابيت=مثل الجبال الشامخات العليه
مهما تدكدك ما تجيكم مفاتيت=من قدرة العلام رب البريه
والخاتمه من طيّب القلب وصّيت=باكرامكم وانت ماتبغى وصيه
[/poem]




عبدالرحمن الجابري الحربي :

[poem=font=",5,,bold,normal" bkcolor="transparent" bkimage="" border="none,4," type=0 line=1 align=center use=ex num="0,black""] دام البقا وأنا اتشرف عقب جيت=بمحالس أصحاب القلوب النقيه
دعوة رفيقن غالين جيت لبّيت=لا شك من حقه وواجب عليه
نعم الرفيق اللي بهالوقت خاويت=هذاك ابو نادر ونادر سميه
ولاّ انت يا شبّاب كفيت وفّيت=تاقف مواقيفك بصبح وعشيه
شاعر على سلوم المراجل تربيت=من نسل قومن من قديمن وفيّه
اهذيل لا من قالوا هذيل فزيت=قوم الفصاحه بالمراجل ثريه
من سابق الأزمان وهْيَ لها صيت=من عهد أبو القاسم وصحبه سخيه
رجّالهم ياقف بعسر المواقيت=وصغارهم عز السند والحميه
وأنا سلايل حرب بالشعر ماحصيت=فعول ربعي بالمزايا غنيه
اسمن على مسمى جبالن ثوابيت=مثل الرعد لا من سمعنا دويه
من دون ربعي مرخص الرح ماقفيت=ما دام لي من حر الأشماس فيه
ياغالين ما شفت زوله وحبيت=وشلون لو يدّك تصافح يديّه
يومك تمد الطيب بالطيب مديت=واكبر فخر عرف النفوس الرضيه
تدمح لك الزلاّت لا منّك أخطيت=تفرح على افراحك وصافين نيه
ما دام تاليها قبور وتوابيت=نبغى نعيش العمر كله سويه
وارجو السموحه كان في ردي أبطيت=حدتني ظروف الزمان القويه
من طيب معدن جيتني ثم حييت=ببيوت جزله والمعاني طريه
تسلم يمينك واتشرف عقب جيت=بمجالس أصحاب القلوب النقيه
وأبشرك بدلال ربعك تقهويت=جادوا عليّه بالكرم والعطيه
[/poem]

وسلامــــتكم جميع ...​

 

[نادر النادر]

هذا ردك ياعبدالرحمن انا مضهر معي بعد قصيدة شباب


دام البقا وانا اتشرف عقب جيت
في مجالس اصحاب القلوب النقيه

دعوة رفيقن غالين جيت لبيت
لا شك من حقه وواجب عليه

نعم الرفيق اللي بهالوقت خاويت
هذاك ابو نادر ونادر سميه

ولا انت يا شباب كفيت وفيت
تاقف مواقيفك بصبح وعشيه

شاعر على سلوم المراجل تربيت
من نسل قومن من قديمن وفيّه

هذيل وإليا قيل لي هذيل فزيت
قوم الفصاحه بالمراجل ثريه

من سابق الازمان وهْيَ لها صيت
من عهد أبو القاسم وصحبه سخيه

رجالهم ياقف بعسر المواقيت
وصغارهم عز السند والحميه

وانا سلايل حرب بالشعر ما احصيت
فعول ربعي بالمزايا غنيه

اسمن على مسمى جبالن ثوابيت
مثل الرعد لا من سمعنا دويه

من دون ربعي مرخص الروح ما اقفيت
ما دام لي من حر الازمان فيّه

ياغالين ما شفت زوله وحبيت
وشلون لو يدك تصافح يديه

يومك تمد الطيب بالطيب مديت
واكبر فخر عرف النفوس الر ضيه

تدمح لك الزلات لا منّك اخطيت
تفرح على افراحك وصافين نيه

ما دام تاليها قبور وتوابيت
نبغى نعيش العمر كله سويه

وارجو السموحه كان في ردي أبطيت
حدتني ظروف الزمان القويه

من طيب معدن جيتني ثم حييت
ببيوت جزله والمعاني طريه

وابشرك بدلال ربعك تقهويت
جادوا عليه بالكرم والعطيه

تسلم يمينك واتشرف عقب جيت
في مجالس اصحاب القلوب النقيه


وسلامتك ..


ياسلام ياسلام عليكم مبدعين صحت السنتكم انت وشباب

بيض الله وجيهكم امتعتونا طول الله اعماركم

تحياتي وتقديري لكم

 

[شباب]

الله يحييك يالجابري كلامك في محله وشكرا جزيلا يالنادر

 

[أبو رديد]

وعليكم السلام ورحمة الله وبركاته
سلمت وسلم شباب
وصحت الألسن